Designed Shayari

Chahta hai iss jahan main gar bahisht,
Ja tamaasha dekh us rukhsaar ka..

Misaal-e-khaak kahin par bikhar kar dekhte hain,
Qaraar mar kar mile ga to mar kar dekhte hain,

Suna hai khawb kabhi mukammal nahin hote,
Suna hai ishq khataa hai so kar ke dekhte hain,

Kisi ki aankh main dhhal jata hai hamara akss,
Jab aayine main bann-sanwar ke dekhte hain,

Hamare ishq ki meeraas hai bas aik hi khawb,
To aao hum usay tabeer kar ke dekhte hain..

Har ibtidaa se pehle har inteha ke baad,
Zaat-e-Nabi buland hai, zaat-e-Khuda ke baad,

Duniya main ehtraam ke qaabil hain jitne log,
Main sab ko maanta hoon magar mustafa ke baad,

Qatal-e-hussain assal main marg-e-yazeed hai,
Islam zinda hota hai har karbala ke baad..

Main akela hi chala tha janib-e-manzil magar,
Log saath atay gaye aur kaarvaan bantaa geya..

Apni chup main na-jane kya kya khho do ge,
Jese tum ho, main ho jaaon to ro do ge..

Mohabbaton ki saza be-misaal di us ne,
Udaas rehne ki aadat hi daal di us ne,

Mere badan pr jab dekh chuka apne zakham,
To jaan boojh kar kaanton ki shaal di us ne..

Tu ne kaha na tha ke main kashti pe bhoj hoon,
Aankhon ko ab na dhaanp mujhe doobtay bhi dekh..

Raat ayi hai mushaqqat se churranay ke liye,
Saans lete huye kuch dair ko mar lete hain..

Nidamat ke charaaghon se badal jaati hain taqdeerain,
Andheri raat ke aansu khuda se baat karte hain..

Us ne jab phool ko chuuaa ho ga,
Hosh khushbuu ke urr gaye hon ge..