Ghazal Shayari

Ranjish.com has lots of Urdu Ghazal Shayari Poetry. Feel free to add your own Ghazal Shayari Shayari here.

Ghazal Shayari Collection

Ghazal Poetry is a form or poetry which is little longer than other forms of poetry and contains more words.. Urdu Ghazal Shayari and Ghazal Poetry are the keywords this shayari is searched with.Ghazal Poetry is mostly written in 6 to 10 lines.



saans ka bojh nahin aur lage bhaari bhi

Ghazal Shayari

saans ka bojh nahin aur lage bhaari bhi
apna dushman bhi main khud, khud se meri yaari bhi

kaam karne ki bhi taufeeq nahin hoti mujhe
mujh se dekhi nahin jaati meri bekaari bhi

samne hai woh magar chhu nahin sakta main usse
hai sahulat bhi muyassar mujhe dushwaari bhi

yeh rawaiya bhi mere sath ajab hai mera
kahin jana bhi nahin aur hai tayaari bhi

jaane wale ko sadaa deta nahin dekhta hoon
bewaqoofi bhi main karta hoon samajhdaari bhi

waqt ka zang badal de ga tere lehje ko
kund ho jaye gi yeh talwaar do dhaari bhi



hamare sar ka jaane kya bana phir

Ghazal Shayari

hamare sar ka jaane kya bana phir
tumhare dar ka jaane kya bana phir

haqeeqat ban gaya kirdaar mera
kahanigar ka jaane kya bana phir

humen tha apne mar jane se matlab
tere khanjar ka jaane kya bana phir

tamashayi sabhi ghar laut aye
khule manzar ka jaane kya bana phir



imaan se batlayen to kya kuch nahin kehti

Ghazal Shayari

imaan se batlayen to kya kuch nahin kehti
kehne ko humen khalq e khuda kuch nahin kehti

karti hai faqat mayal awargi hum ko
mu se to kabhi ghar ki fizaa kuch nahin kehti

har moRr pe kehti hai mujhe meri sharafat
kya tujh ko zamane ki hawa kuch nahin kehti

main hoon ke usse kosta phirta hoon shab o roz
woh hai ke sar -e- farsh -e- azaa kuch nahin kehti

badzan to nahin hum se kahin gardish e doraan
kyun tanz o malamat main naya kuch nahin kehti



hijar khud hi haraam karta hai

Ghazal Shayari

hijr khud hi haraam karta hai
khud hi qaayam nizaam karta hai

teri yadon ke taur par aksar
wajd main dil kalaam karta hai

dekh kar shaam ne kiya sajda
aayina bhi taam karta hai

ashk behte nahin main pyasa hoon
kon pani haraam karta hai

ishq daftar ka woh mulazim hoon
jo moatal hai kaam karta hai

jaan pehchan baRrh gayi itni
hijar jhuk kar salaam karta hai

tera nashad jee udasi se
ehtraman kalaam karta hai



azaadi ko Ttaal rakha hai saalon par

Ghazal Shayari

azaadi ko Ttaal rakha hai saalon par
kuch vaadon ki gard jammi hai taalon par

dhoop chhanni hai jaali wali khiRrki se
aur jaali ka naqsha us ke gaalon par

machli ne khush ho kar paani tyaag diya
machyaaron ka khoon laga tha jaalon par

dDhalti umar ne har ik yaad chupa li hai
bas ik jhoot ka rang chaRrha hai baalon par

maan ne mujh ko aaj kuch aese dekha hai
jaise rab ka dheyan paRre bad-haalon par



khawhish ka ehtraam to kar hi nahin raha

Ghazal Shayari

khawhish ka ehtraam to kar hi nahin raha
is dil main jis ki qabar hai mar hi nahin raha

qadmon ne kha liye hai jahan bhar ke raste
manzil kise kahoon ke safar hi nahin raha

puri hui hai tegh chalane ki arzu
ab jab mere hareef ka sar hi nahin raha

kis se karoon ga apni aziyat ka hal talab
is sheher main to koi shajar hi nahin raha

yeh jo koi bhi nasha na hone ka nasha hai
sadiyan guzar gayi hain utar hi nahin raha



badan ka ramz samajh rooh ka ishara samajh

Ghazal Shayari

badan ka ramzz samajh rooh ka ishara samajh
mujhe samajh na samajh dukh mera khudara samajh

tujhe hum aur kisi na ka hone dain ge kabhi
tu bhhaa gaya hai humen khud ko ab hamara samajh

jo teergi main tujhe kuch dikhayi deta nahin
main chahta hoon meri baat ko dobara samajh

ke main to apne bhi kuch kaam aa nahin paya
tujhe yeh kis ne kaha tha mujhe sahara samajh

yeh kargah e tilismaat hai yahan sayyad
khasaara naffa samajh, naffa ko khasaara samajh



ghar ki tameer ki bunyaad se pehchante hain

Ghazal Shayari

ghar ki tameer ki bunyaad se pehchante hain
log mujh ko dil e barbaad se pehchante hain

naam tabdeel karo shakal badal lao bhale
hum to har zeher ko ajdaad se pehchante hain

dusron ke liye woh log maseeha hon ge
hum jinhe maut ki ijaad se pehchante hain

kitna yakta hai faqeeri main taaruf mera
log mujh ko meri faryaad se pehchante hain



sabhi zaabte mere ikhteyar ke le gaya

Ghazal Shayari

sabhi zaabte mere ikhteyar ke le gaya
woh gaya to log meri qataar ke le gaya

mera bojh kum to hua magar yeh bhi dekhiye
meri shaakh se koi phall utaar ke le gaya

meri zaat main kahin hairaton ka nishaan nahin
yeh tu kin jaghon se mujhe guzaar ke le gaya

main tere husool se door tha faqat ik qadam
wahin koi apni taraf pukaar ke le gaya

abhi thak ke soya tha zindagi ke safar se main
tera hashr lamhe mere qaraar ke le gaya



jane kis ki thi khataa yaad nahin

Ghazal Shayari

jane kis ki thi khataa yaad nahin
hum huye kese judaa yaar nahin

aik shola sa uTha tha dil main
jane kis ki thi sadaa yaad nahin

aik naghma sa suna tha maine
kon tha shola navaa yaad nahin

roz dohraate they afsana-e-dil
kis tarah bhool gaya yaad nahin

ik faqat yaad hain jana un ka
aur kuch is ke siwa yaad nahin

tu meri jaan-e-tamana thi kabhi
ae meri jaan-e-wafa yaad nahin

haal-e-dil kaise tabassum ho bayan
jaane kya yaad hai kya yaad nahin


Advertisements

We update our poetry database on daily basis so keep coming back for more Ghazal Shayari.



love shayari romantic shayari sad shayari nazam shayari