Love Shayari

Ranjish.com has lots of Urdu Love Shayari Poetry. Feel free to add your own Love Shayari Shayari here.

Love Shayari Collection

Love Shayari is probably the most loved topic by urdu readers. Love Shayari or Urdu Love Poetry are loved by urdu readers. Love Shayari is easy to write and very joyfull to read, so urdu readers love to read Love Shayari. Have a look at our Love Shayari collection, we know that you’ll love our Love Shayari collection.



Mohabbat ho to aesi ho

Love Shayari

Asar dil per karay shikwa,
shikayat ho to aisi ho.!

Galay lag kar koi roye,
Nadamat ho to aisi ho.!

yehi mehsus ho jaisay
kai sadiyan guzari hain

faqat ek pal ki furqat mein,
Aziat ho to aisi ho..!!

mujhe kanta chubhay aur
us ki ankhon se lahu tapke,

talluq ho to aisa ho,
MUHABAT ho to aisi ho.



Aao mere hath pe apna hath rakho

Love Shayari

Tanha Ghar Se Bahir Jana Theek Nahi,
Tum Masoom Ho Aur Zamana Theek Nahi.

Saaf Dilon Ko Phir Se Maila Kr Den Gi,
Guzri Baaton Ko Dohraana Theek Nahi.

Aisi Cheezen Door Se Achhi Lagti Hain,
Chaand Ko Apny Paas Bulana Theek Nahi.

Aao Mery Haath Pe Apna Haath Rakho,
Saail Ko Khali Loutana Theek Nahi.

Rafta Rafta Tabeeren Beh Jati Hen,
Num Aankhon Mein Khawab Sajana Theek Nahi.

Chorr MOHSIN In Pathar Dil Insanon Ko,,
Apny Dil Ka Haal Sunana Theek Nahi..



Bhala Kaise Bhulaaon Gi

Love Shayari

Meri jaa.n sochti hon main
Agar tum mil na paay tu
Tumhaari yaad ko dill sey
Bhala kaise bhulaao.n gi!
Jo mousam sang terey beetey
unhain kaise bhulaao.n gi!!
Andheri raat main jugnu
bhala kaise jalaoo.n gi!!!

meri jaa.n sochti hon main
Tumhain kaise bhulaao.n gi!
Likha jo naam hay dill per
Usey kaise mitaaoo.n gi!
Jo aadhi um’r jeeni hay
Wo main kaise bitaao.n gi!!

Meri jaa.n sochti hoon main
Tumhain kaise bhulaaoo.n gi!
Teri yaadai.n jo aae.n gi
Mujhe pal pal rulai.n gi
Merey Anchal ko kainchai.n gi
Mujhe kutch gud-gudai.n gi

Meri jaa.n sochti hoon main
Tumhain kaise bhulaao.n gi!!
Jo baatai.n tum sey karti hon
bhala kis ko bataao.n gi!
Naya jab sher likhoo.n gi
Tu main kis ko sunaao.n gi!!

meri jaa.n sochti hoon main
Tumhain kaise bhulaaoo.n gi!
Meri jaa.n Jaan lo tum bhi
Tumhain na bhool paoo.n gi



Yuun na mil mujh se Khafaa ho jaise

Love Shayari

yuun na mil mujh se Khafaa ho jaise
saath chal mauj-e-sabaa ho jaise
log yuun dekh kar hans dete hain
tuu mujhe bhool gayaa ho jaise
ishq ko shirk kii hadh tak na badhaa
yuun na mil hamse Khudaa ho jaise
maut bhii aaii to iss naaz ke saath
mujh pe ehasaan kiyaa ho jaise
aise anjaan bane baithe ho
tum ko kuchh bhii na pataa ho jaise
hichkiyaan raat ko aatii hii rahiin
tuu ne phir yaad kiyaa ho jaise
zindagii beet rahii hai “daanish”
ek bejurm sazaa ho jaise



Jazbaat behkte hain jab tumse milta hu

Love Shayari

Jazbaat behkete hain jab tumse milta hu,
Armaan machalte hai jab tumse milta hu

Saath hum dono ka koi bardasht nahi karta,
Sab humse jalte hai jab tumse milta hu

Ankho se tum jaane kya kya keh deti ho,
Toofan se chalte hain jab tum se milta hu

Haatho se hath milte hain hotho se hoth
Dil se dil milte hain,jab tumse milta hu

Aaho me beh jaati hai tanhai ki har raat,
Kai shikve dil me rahte hain jab tumse milta hu



Puchti hai dunya

Love Shayari

Puchti hai dunya ye kahani mujh se

q hasad karti hai darya ki rawani mujh se

main choor aya oske hathon pe apny honton k nishan

osne mangi thi mohabat ki nishani mujh se



Do pyase dil aik huwe hain

Love Shayari

Do pyase dil aik huwe hain aise
Bichare ge ab kaise

Tum pyaar mujhye karte hi rahna
Sari umar tum aise

Ek douje main kho jate hain
Nadiya sagar jaise

Tuj se hay yeh zindgani
Tuj se hay jiwan kahani
Tuj se hay sanj aur sawera

Sathi kabhi tu na ruthe
Rasmon ki diwaar tutye
Tutye na bahoon ka ghira
Mere sanam teri kasam
Tuj se hay wahda yeh mera
Aise raheen ge
nain aur nindea jaise

Qadmon tale har khushi hay
Kitni haseen zindagi hay
Jiwan yunhi beet jaye

Aankhon k tu roeberoe hay
Dekhon jidhar tu hi tu hay
Tuj bin nazar kuch na aye
Hay zindagi humain kabhi
Zamana judaa kar na paye
Aise raheen ge
phool aur khushbo jaise



Mohabat Ke Mayne

Love Shayari

Mohabat Ke Mayne Humse Kyaa Puchte Ho
Hum In Batoon Se Anjaan Hai
Bus Ek Gujarish Hai Ke Bhool Naa Jana Hume
Kyouki Tumhara Pyaar Hi Hamari Jaan Hai



Tumhare pyaar me

Love Shayari

Tumhare pyaar me hamne bhohot chote khaye,
Jiska hisaab na hosake utne dard paye,
Phirbhi tere pyaar ki kasam khake kehtahu,
Hamare lab pe tumhare liye sirf pyaar aaye?



Mohabbat mein jeene wale

Love Shayari

Mohabbat mein jeene wale Khushnaseeb hote hain.
Mohabbat mein marne wale Ajeeb hote hain.
Aur, Har waqt Mohabbat ki baatein karne wale Bad-tameej hote hain.But wait?..
Aisa apun ko lagta hai.Aapko kya lagta hai ?
Jawaab do?
Warna jawaab nahi dene wale Dimaag ke marij hote hain !


Advertisements

We update our poetry database on daily basis so keep coming back for more Love Shayari.



love shayari romantic shayari sad shayari nazam shayari