Sad Shayari

Poochnay Walay Tujhey Kaisay Bataaein Akhir
Dukh Ibarat To Nahi Jo Tujhey Likh Ker Bhaijein
Ye Kahani Bhi Nahi Hai K Sunaein Tujh Ko
Na Koi Baat Hi Aisee K Bataein Tujh Ko
Zakham Gar Ho To Teray Naakhun K Hawalay Ker Dein
Aaina Bhi To Nahi K Dikhaein Tujh Ko
Tu Ne Poocha Hai Magar Kaisay Bataein Tujh Ko
Ye Koi Raaz Nahi Jis Ko Chupaen To Wo Raaz
Kabhi Chehray Kabhi Aankhon Se Chalak Jata Hai
Jaisay Aanchal Ko Sambhalay Koi Aur Teiz Hawa
Jab Bhi Chalti Hai To Shaano Se Dhalak Jata Hai
Ab Tujhey Kaisay Bataein K Humein Kia Dukh Hai
Jism Mai Reengti Rehti Hai Musafat Ki Thakan
Phir Bhi Kaandhon Pe Uthayae Huwe Halat Ka Bojh
Apnay Qadmon Se Hatatay Huwe Saya Apna
Jis Ko Bhi Dekhiye Chup Chap Chala Jata Hai
Kabhi Khud Se Kabhi Raston Se Ulajhta Hai Magar
Janay Wala Kisi Awaz Pe Rukta Hi Nahi
Dhoondna Hai Naya Peraya-E-Izhar Humein
Istiaron Ki Zaban Koi Samajhta Hi Nahi
Dil Grifta Hain Talismat-E-Gham-E-Hasti Se
Saans Lenay Se Fusoon Kariy-E-Jaan Tootti Hai
Ik Taghayyur Pas-E-Her Shay Hai Magar Zulm Ki Dor
Abhi Maloom Nahi Hai K Kahan Tooti Hai
Tu Samajhta Hai K Khushboo Se Moattar Hai Hayat
Tu Ne Chakha Hi Nahi Zeher Kisi Mausam Ka
Tujh Pe Guzra Hi Nahi Raqs-E-Junoon Ka Aalam
Aisa Aalam Jahan Sadiyoun K Tahhayur Ka Nasha
Her Bicharti Huwi Sa?at Se Galay Milta Hai
Is Tamashay Ka Bazahir To Nahi Koi Sabab
Sirf Mehsoos Kero Gay To Pata Chalta Hai
Aik Dhun Hai Jo Sunayee Nahi Deti Phir Bhi
Lay Ba Lay Berhata Chala Jata Hai Hungam-E-Sitam
Koo Ba Koo Phailta Jata Hai Gubaar-E-Man-O-Tu
Rooh Se Khali Huwe Jatay Hai Jimson K Haram
Waqt Be Rehm Hai,Hum Raqs-E-Barehna Hain Sabhi
Ab To Paband-E-Salasil Nahi Koi Phir Bhi
Dasht-E-Mishghaan Mai Bhatakta Huwa Taron Ka Hujoom
Safha-E-Lab Pe Sisiskti Huwi Awaz Ki Lo
Dekh To Kaisay Rehayee Ki Khabar Kerti Hai
Rozan-E-Waqt Se Aghaaz-E-Safer Kerti Hai
Be Khabar Rehna Kisi Baat Se Acha Hi Nahi
Tu Kabhi Waqt Ki Dehleez Pe Tehra Hi Nahi
Tu Ne Dekhay Hi Nahi Halqa-E-Amroz K Rang
Garmiye Wada-E-Ferda Se Pighaltay Huwe Log
Apnay Hi Khuwab Ki Tabeer Mai Jaltay Huwe Log
Bhook Aur Piyas Ki Mari Huwi Faslon Ki Terah
Barr-E-Azam Ki Lakeeron Se Ubhartay Huwe Log
Amn K Naam Per Barood Bhari Dunniya Mai
Khas-O-Khashak Ki Manind Bhikertay Huwe Log
Roz Jeetay Huwe Aur Roz Hi Mertay Huwe Log
Zindagi FILM Nahi Hai K Dikhaen Tujh Ko
Tu Ne Poocha Hai Magar Kaisay Bataein Tujh Ko
Koi Mehfooz Nahi Ahl-E-Tahafuz Se Yahan
Raat Bhari Hai Kahin Aur Kahin Din Bhari
Saari Dunniya Koi Medan Sa Lagti Hai Humein
Jis Mai Ik Maarka-E-Sood-O-Ziyan Jari Hai
Paon Rakhay Huwe Barood Per Sab Log Jahan
Apnay Hathon Mai Uthaye Huwe Perwana-E-Shab
Aasteenon Mai Chupaey Huwe Mehtaab Koi
Apni Gerdan Mai Liay Apnay Gareeban Ka Tauq
Neend Mai Chaltay Huwe Dekhtay Hai Khawab Koi
Aur Ye Sochtay Rehtay Hai K Deewaron Se
Shab K Aasaar Dhalay,Subh Ka Sooraj Ubhra
Door Ufaq Paar Paharon Pe Chamakti Huwi Berf
Naye Sooraj Ki Tamazat Se Pighal Jaey Gi
Aur Kisi Waqfa-E-Imakaan-E-Sehar Mai Ab K
Roshni Saaray Anndheron Ko Nigal Jaey Gi
Dekhiye Kaisay Pohanchti Hai Thikanay Pe Kahin
Door Ik Faakhta Urti Hai Nishanay Pe Kahin
Aa Ke Ye Manzir-E- Khoon Basta Dikhayen Tujh Ko
Tu Ne Poocha Hai Magar Kaisay Baataein Tujh Ko
Koi Gaahak Hi Nahi Johar-E-Aainda Ka
Chashm Kholay Huwe Baithi Hai Dukan-E-Girya
Aur Isi Manzar-E-Khoon Basta Ka Goshay Mai Kahin
Ser Pe Dalay Huwe Ik Lamha-E-Maujood Ki Dhool
Teray Usshaq Bohat Khaak Basar Phirtay Hain
Waqt Kab Khainch Ley Maqtal Mai Gawahi K Liay
Dast-E-Khali Mai Liay Kasa-E-Sir Phirtay Hain
Poochnay Walay Tujhey Kaisay Bataaein Akhir
Dukh Ibarat To Nahi Jo Tujhey Likh Ker Bhaijen
Dukh To Mehsoos Huwa Kerta Hai
Chahay Tera Ho Ya Mera Dukh Ho
Admi Wo Hai Jisay Jeetay Jee
Sirf Apna Nahi Sab Ka Dukh Ho
Chak Ho Jaey Jo Ik Baar Hawas K Hathon
Jama-E-Ishq Doobara To Nahi Silta Hai
Asman Meri Zameenon Per Jhuka Hai Lakin
Tera Aur Mera Sitara Hi Nahi Milta Hai

Wo roye to bahut, par mujhse muh mod kar roye
Koi majburi hogi to dil tod kar roye

Mere samne kar diye mere tasveer ke tukde
Pata chala mere piche wo unhe jod kar roye

Woh rula kar hans na paya der tak
jab mein ro kar muskuraya der tak

bhoolna chaha kabhi us ko agar
aur woh yaad aya phi der tak

be-sakhta mein khud hi hanss parra
us ne is darja rulaya der tak

bhookey bachon ki tasali ke liye
maan ne phir paani pakaya der tak

gungunata howa ja raha tha ik fakeer
dhoop rehti hai na saaya der tak

kal andheri raat mein meri tarah
ik jugnu jagmagaya der tak

Lakh roshan ho’n, andhero’n se guzarna bhi to hai
Charhte suraj ko samandar mai utarna bhi to hai

Tum jo khush ho meri raho’n mai bicha kar kantey
Inhi raho’n se kabhi tum ko guzarna bhi to hai

Ham kisi aur k ho’n jayain to heirat kaisi
Tum ne jo zakhm diye hain unhe bharna bhi to hai

Uddaasi ki to ab aadat si hai humain,
Khushiyon ko ab Dil anjan kehta hai,

Chahat thi jis ki wo nhi hua apna,
Yun to apna humein saara jahan kehta hai…!

Wo kuch sunta to mein kheta, Mujhy kuch aur khena tha,
Wo Pal bhar ko jo Ruk jata, mujhy Kuch aur khena tha,

Galat Fehmi ny Batoon ko barha dala yunhi warna,
Kaha tha kuch Wo Smjha kuch, Mujhy kuch aur khena tha….

kaash aesa ho ke ab ke be wafai maiN karoN
tu phirey qarya ba qarya ku ba ku mere liye
maiN to ho jaoN kisi thehre samndur ki tarah
tu bahe darya ba darya ju ba ju mere liye ….

Mujh se ye
log kehtay hain
Kahan DiL chhor aaye ho?
Bohat
chup chaap
…rehtay ho
Na bantay
na sanwartay
Ho Na koi baat
kartay ho
Bhari Mehfil mein bhi aksar
Hamesha khoye
rehtay ho
Uddasi
aankhon mein
le kar
har ik
chehray ko
tuktay ho
koi jab yaad
aata hai
Tu Thandi aah
bhartay hoTu khul kar
Q nahi kehtay
kisi ko yad
kartay ho….

Na Mila Dil Ka Qadar daan Is Zamaney main….
Yeh Rishtaa Toot Gaya Dekhney Dikhaaney Main…
Sochta Hon Ik Roz Shama Sey Poochon Sagar_
Maza Kis Mein Hai Jalney Main Ya Jalaney Main….!!!!!!!

Kisi Musafir Ka Kabhi Aitbar Na Karna
Dosti Ki HadonKo Kbhi Par Na Krna
Kho Doge Use Hmesha K Liye
Isliye Jo Achha Lage Use Kabhi Pyar Na Karna.