Soch Shayari

Aye naye saal bata tujh mein naya kya hai..?
Har taraf khalq ne kiyun shor mcha rakha hai,
Roshni din ki wohi,
Taron bhari rat wohi,
Aaj hum ko nazar aati hai har bat wohi,
Aasman badla hai na badli ye afsurda zameen,
Aik hindse ka badalna koi jiddat to nahi,
Pichle barson ki tarha hon ge qareene tere,
Kise maloom nahi 12 maheene tere,
Be sabab dete hain kiyun log mubarak badein,
Sub kya bhool gaye waqt ki karrwi yadein,
Tu naya hai to dikha subha nai, sham nai
WaRNa in aankhon ne deikhe hain naye saal kai…

(khalq:Human Beings)(Afsurda:Sorrowful)(maheene:Months)(Mubarak-Badein:Congratulate)

Ye kon shakhs hai jo apne qehqon k lie,
Zameen k raaz khala me ochal aea hai.

Ye kis hisab se ki to ne roshani takseem,
Sitare muj ko mile mahtab us ka tha.

Ye kashmakash alag hai k kis kashmaksh me hon,
Ata nahin samj me bahot sochata hon me.

Yon be sabab to koi unhen pojata nahin,
Kuch to hai patharon me khad o khal ki tarah.

Ye kia hoa k khon me jhalak uthi hai roshani,
Ye kis ne dil ki tergi me aftab rakh dia.

Hum aah bhi karte hain to ho jate hain badnaam,
Wo qatal bhi karte hain to charcha nahin hota.

Humen ata nahin hai har kisi k samne jhokana,
Hum ehal e fikar hain adat e darbari nahin rakhate.

Hath bahot kafi the apne waste jaise bhi the,
Koi hum sa dost koi hum sa begana na tha.

Hum ko jahan pehchanane wale nazr ae,
Awaz hi kuch aur wahan hum ne bana li.