Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



zameen choRri hai maine na asmaan maine

Urdu Poets

zameen choRri hai maine na asmaan maine
tumhain pukara nahin hai kahan kahan maine



yaar kuch chehre mere zehen main hain jin ke sabab

Urdu Poets

yaar kuch chehre mere zehen main hain jin ke sabab
koi chehra bhi mujhe yaad nahin rehta



sari khalqat rula ke sona hai

Urdu Poets

sari khalqat rula ke sona hai
us ko jis din bhula ke sona hai



hamari zindagi barbad ho gayi lekin

Urdu Poets

hamari zindagi barbad ho gayi lekin
qasoorwar na laye gaye saza ki taraf



us ne kuch soch kar kaha ho ga

Urdu Poets

us ne kuch soch kar kaha hoga
hum ne matlab ghalat liya hoga

yaar mujh ko nikalo wehshat se
yaar koi to raasta hoga

yeh hawaa-on ka kaam hai hi nahin
yeh diyaa qatl hi hua hoga

aap to karbala se aye hain
aap ko to khuda mila hoga

aap bhi aye hain kisi ki jagah
kal ko yeh aap ki jagah hoga



sahraa na de mujhe kabhi daryaa na de mujhe

Urdu Poets

sehraa na de mujhe kabhi daryaa na de mujhe
kuch bhi woh shakhss hasb-e-tamanna na de mujhe

jane laga hoon samne se us ke uTh ke main
par dil main hai woh rok le rasta na de mujhe

main aakhri hoon apne qabeele ka aadmi
tu maslehat ki oTt main marwa na de mujhe

ae rab-e-khawb chashm-e-takhayur ki khair ho
jo khawb de hai khawb ka chehra na de mujhe



aaj phir ghar main tera zikar hua

Urdu Poets

aaj phir ghar main tera zikar hua
aaj phir adhi bhook choRri gayi



apni tareef bhi mayaar ghaTta deti hai

Urdu Poets

apni tareef bhi mayaar ghaTta deti hai
aese ho jao ke, tum kya ho, batana na paRre



kar loon ga jama daulat o zar, us ke baad kya

Urdu Poets

kar loon ga jama daulat o zar, us ke baad kya ?
le loon ga shandaar sa ghar, , us ke baad kya ?

mai ki talab jo hogi to ban jaon ga main rind
kar loon ga maikadon ka safar, us ke baad kya ?

hoga jo shauq husn se raaz o niaz ka
kar loon ga gesuyon main sahar, us ke baad kya ?

sher o sukhan ki khoob sajaon ga mehfil-en
duniya main ho ga naam magar, us ke baad kya ?

mauj aye gi to saare jahan ki karoon ga sair
wapis wohi purana nagar, us ke baad kya ?

ik roz maut zeest ka dar khaTkhaTaye gi
bujh jaye ga charagh e qamar, us ke baad kya ?

uthi thi khaak, khaak se mil jaye gi wahin
phir us ke baad kis ko khabar, us ke baad kya ?



Kar mere zakham pe ik baar nazar

Urdu Poets

Kar mere zakham pe ik baar nazar
teri ankhon main shifa hai mere dost

maut bhi jis se rihaa kar na sake
zindagi aesi saza hai mere dost

kya bataon teri khamoshi se
kesa tufaan uTtha hai mere dost

meri ankhon main janaza hai koi
aur ashkon main dua hai mere dost

mere qatbe pe adaa kar dena
aik bossa jo qazaa hai mere dost

teri khatir mere daaman main faqat
sher hai, sher bhi kya hai mere dost

yeh mere zakhmi tabasum ka khumaar
tere lehje ki ataa hai mere dost

tere hone ka gumaan rehta hai
hijr bhi kesa nasha hai mere dost

jis se aasaab chaTtahte hain mere
tu ne woh shor suna hai mere dost

main tujhe bhoolna chahoon bhi to kyun
tu mera samtnumaa hai mere dost

tu bhi ik roz chala jaye ga
umar bhar kon ruka hai mere dost

maine chooma hai tere maathe ko
tu yeh samjha hai ke hawaa hai mere dost

aaj rone ka maza aye ga
aaj tu khul ke hansaa hai mere dost

asmaan jaise zameen se mil jaye
tu humen aese mila hai mere dost

ishq hi mere taaqub main nahin
aur bhi aik balaa hai mere dost

Ttees uTthi hai kahin andar se
zakhm kuch gehraa laga hai mere dost

chand nikla hai na tu aya hai
raat ne shikwa kiya hai mere dost

kum nahin ho rahi bechani meri
maine cigarette bhi piya hai mere dost

phir teri yaad ka nakhun aa kar
mere seene se laga hai mere dost

phir harey ho gaye cHaale dil ke
phir tujhe dekh liya hai mere dost


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari