Munir Niazi

Kitaab-e-zeest ka ek aur baab hatam hua,
Shabaab hatam hua, azaab hatam hua..

Mehfil ar’aa they magar phir kam’numaa ho geya they,
Dekhtey hi dekhtey hum kya se kya ho gaye they..

Hum’zubaan mere they in ke dil magar achey na they,
Manzilain achi thee’n mere hum’safar achey na they,

Jo khabar pohanchi yahan tak asal surat mein na thi,
Thi khabar achi magar ehl-e-khabar achey na they,

Bastiyon ki zindagi mein be’zari ka zulm tha,
Log achey they wahan ke ehl’e’zar achey na they,

Hum ko khubaa’n main nazar ati theen kitni khoobiyan,
Jis qadar achey lage they is qadar achey na they,

Is liye aayi nahin ghar mein mohabbat ki hawaa,
Is mohababt ki hawaa ke muntazir achey na they,

Ik khayal-e-haam hi murshad tha in ka aye Munir,
Yaani apne sheher mein ehl-e-nazar achey na they..

Tujhse bicharr kar kya hoon main, ab bahar akar dekh,
Himmat hai to meri haalat, aankh mila kar dekh,

Shaam hai gehri, tez hawaa hai, sar pe khari hai raat,
Rasta gaye musafir ka ab diya jalaa kar dekh,

Darwaze ka paas aa aa kar wapis murrti chaap,
Kaun hai iss sunsaan gali main, paas bula kar dekh,

Shayed koi dekhne wala ho jaye khairaan,
Kamre ki deewaron par koi naqsh bana kar dekh,

Tu bhi Munir ab bhare jahaan main mil kar rehna seekh,
Bahar se to dekh liya, ab andar jaa kar dekh..

Meri saari zindagi ko be’samar iss ne kiya
Umar meri thi magar,isko basar iss ne kiya

Main bohut kamzor tha iss mulq main hijrat kay baad
Per mujhe iss mulq mein kamzor’tar iss ne kiya

Rehbar mera bana gumraah karne kay liye
Mujhko seedhey raste se darbadar iss ne kiya

Shehar mein woh moatbir meri gawahi se huwa
Phir mujhe iss shehar main na’moatbir iss ne kiya

Shehar ko barbaad kar kay rakh diya iss ne ‘Munir’
Shehar per yeh zulm mere naam per iss ne kiya

Saaya-e-Qasr-e-Yaar Mein Baitha
Mein Tha Apnay Khumaar Mein Baitha

Os Ka Aana Tha Khwaab Mein Aana
Mein Abs-e-Intezaar Mein Baitha

Koi Soorat Nahi Hai Os Jaisi
Osko Dekho Hazaar Mein Baitha

Osko Khushion Se Khauf Aata Hai
Weham Kia Zehen-e-Yaar Mein Baitha

Hum Bhee Raston Mein Phir Rahay Thay Muneer
Wo Bhee Tha Raahguzar Mein Baitha

Kisi ko apne amal ka hisaab kya dete ?
Sawaal saaray ghalat the jawaab kya dete ?

Kharab sadiyon ki be-khwabiyan theen aankhon main,
Ab in be-aant khalaaon main khwaab kya dete ?

Hawa ki tarha musafir thy dilbaron ke dil,
Unhain bus aik hi ghar ka azaab kya dete ?

Sharaab dil ki talab thi sharaab ke pehra main,
Hum itni tangi main us ko sharaab kya dete ?

Munir dasht shuroo se saraab-aasa tha,
Usss aainay ko tamanna ki aab kya dete ?

Dil Jal Raha Tha Gham Se Magar Nagmagar Raha
Jab Tak Raha Main, Saath Mere Yeh Hunar Raha

Subah-E-Safar Ki Raat Thi, Taare The, Aur Hawa
Saaye Sa Ek, Der Talak, Baam Par Raha

Meri Sada Hawa Mein Bohat Door Tak Gayi
Par Main Bula Raha Tha Jise, Bekhabar Raha

Guzari Hai Kya Maze Se Khayaalon Mein Zindagi
Doori Ka Yeh Tilism Bada Kaargar Raha

Khauf Aasmaan Ke Saath Tha Sar Par Jhuka Hua
Koi Hai Bhi Ya Nahin Hai,Yehi Dil Mein Dar Raha

Is Aakhiri Nazar Mein Ajab Dard Tha ‘Munir’
Jaanay Ka Uske Ranj Mujhe Umr Bhar Raha

Hamesha dair kar deta hoon main

Zaroori baat kehni ho
Koi wada nibhana ho
Use awaz deni ho
Use wapas bulana ho
Hamesha dair kar deta hoon main

Madad karni ho uski
Yaar ki dhaaras bandhana ho
Bohat dereena raston par
Kisi se milne jana ho
Hamesha dair kar deta hoon main

Badalte mausamon ki sair main
Dil ko lagana ho
Kisi ko yad rakhna ho
Kisi ko bhooll jana ho
Hamesha dair kar deta hoon main

Kisi ko maut se pahle
Kisi gham se bachna ho
Haqiqat aur thi kuch
Us ko ja ke yeh batana ho

Hamesha dair kar deta hoon main..

Watch Video