Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



Yaad thay, yaadgar thay hum to..

Urdu Poets

Aap apna ghubaar thay hum to,
Yaad thay, yaadgar thay hum to,

Pardagi hum se kyun rakha parda,
Tere hi pardadar thay hum to,

Waqt ki dhoop main tumhare liye,
Shajar-e-saya-daar thay hum to,

UrRe jaate hain dhool ke manind,
Aandhiyon par sawaar thay hum to,

Hum ne kyun khud pe aitbar kiya,
Sakht be-aitbar thay hum to,

Sharam hai apni baar baari ki,
Be-sabab baar baar thay hum to,

Kyun humen kar diya gaya majboor,
Khud hi be-ikhteyar thay hum to,

Tum ne kaise bhula diya hum ko,
Tum se hi mustaar thay hum to,

Khush na aya humen jiye jana,
Lamhe lamhe pe baar thay hum to,

Seh bhi lete hamare taanon ko,
Jan-e-man janisar thay hum to,

Khud ko dauran-e-hal main apne,
Be-tarah naagwar thay hum to,

Tum ne hum ko bhi kar diya barbar,
Nadir-e-rozgar thay hum to,

Hum ko yaaron ne yaad bhi na rakha,
Jaun yaaron ke yaar thay hum to..



Musafiron se mohabbat ki baat kar lekin..

Urdu Poets

Musafiron se mohabbat ki baat kar lekin,
Musafiron ki mohabbat ka aitbar na kar..



Dil pagal hai roz nayi nadani karta hai..

Urdu Poets

Dil pagal hai roz nayi nadani karta hai,
Aag main aag milata hai phir paani karta hai..



Saans lena bhi kesi aadat hai..

Urdu Poets

Saans lena bhi kesi aadat hai
Jiye jana bhi kya riwayat hai
Koi aahat nahi badan mein kaheen
Koi saaya nahi hai aankhon mein
Paaon behis hain, chalte jate hain
Ik safar hai jo behta rehta hai
Kitne barason se, kitni sadiyon se
Jiye jate hain, jiye jate hain
Aadaten bhi ajeeb hoti hain



Kam se kam duniya se itna mera rishta ho jaye ..

Urdu Poets

Kam se kam duniya se itna mera rishta ho jaye,
Koi mera bhi buraa chahne wala ho jaye..



Hayat leke chalo kainat leke chalo..

Urdu Poets

Hayat leke chalo kainat le ke chalo,
Chalo to sare zamane ko sath le ke chalo..



Mujhe aesa lutf ataa kiya ke jo hijar tha na visaal tha..

Urdu Poets

Mujhe aesa lutf ataa kiya ke jo hijr tha na visaal tha,
Mere mausamon ke mizaj-daan, tujhe mera kitna khayaal tha,

Kisi aur chehre ko dekh kar teri shakal zehn main aa gayi,
Tera naam le ke mila usse, mere hafize ka yeh haal tha,

Kabhi mausamon ke saraab main, kabhi baam-o-dar ke azaab main,
Wahan umar hum ne guzar di, jahan saans lena muhaal tha,

Kabhi tu ne ghaur kiya nahin, ke yeh log kaise log thay,
Koi meer jesa giraftadil, tere samne ki misaal tha,

Tere baad koi mila nahin, jo yeh haal dekh ke puchta,
Mujhe kis ki aag jhulsa gayi, mere dil ko kis ka malaal tha,

Kahin khun-e-dil se likha to tha, tere saal-e-hijar ka saneha,
Woh adhuri diary kho gayi, woh najane kaun sa saal tha..



Suno aesa nahin karte..

Urdu Poets

Suno aesa nahin karte,
Safar tanha nahin karte,

Jisse shafaaf rakhna ho,
Usse maila nahin karte,

Teri ankhen ijazat dain,
To hum kya nahin karte,

Bohat ujrre huye ghar ko,
Bohat socha nahin karte,

Safar jis ka muqaddar ho,
Usse roka nahin karte,

Jo mil kar khud se kho jaye,
Usse ruswa nahin karte,

Yeh unche paiRr kaise hain,
Yeh saaya nahin karte,

Kabhi hasne se darte hain,
Kabhi roya nahin karte,

Teri ankhon ko paRrhte hain,
Tujhe nahin dekha nahin karte,

Chalo, tum raaz ho apna,
Tumhe afshaa nahin karte,

Sehar se puch lo mohsin,
Hum soya nahin karte..



Ab woh galiyan woh makaan yaad naheen..

Urdu Poets

Ab woh galiyan woh makaan yaad naheen,
Kaun rehta tha kahan yaad naheen,

Jalva-e-husn-e-azal thay woh dayar,
Jin ke ab nam-o-nishan yaad naheen,

Koi ulja sa bhala sa ghar tha,
Kis ko dekha tha wahan yaad naheen,

Yaad hai zina-e-pechan us ka,
Dar-o-deevar-e-makaan yaad naheen,

Yaad hai zamzama-e-saz-e-bahar,
Shor-e-awaz-e-khizan yaad naheen..



Raat ankhon main dhali, palkon pe jugnu aye..

Urdu Poets

Raat ankhon main dhali, palkon pe jugnu aye,
Hum hawaon ki tarah ja ke usse chhuu aye,

Us ka dil, dil nahin pathar ka kaleja hoga,
Jis ko phoolon ka hunar, aansu ka jadu aye,

Buss gayi hai mere ehsas main yeh kesi mehak,
Koi khushbu main lagaon, teri khushbu aye,

Khoobsurat hain bohat duniya ke jhoote waade,
Phool kaghaz ke liye kanch ke bazu aye,

Us ne chhuu kar mujhe pathar se phir insan kiya,
Mudaton baad meri ankhon main aansuu aye..


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari