Urdu Poets

Kya kya na khawb hijar ke mausam mein kho gaye,
Hum jagte rahe they magar bakht so gaye,

Us ne peyaam bheje to raste mein reh gaye,
Hum ne jo khat likhe woh hawaa burd ho gaye,

Mein sheher e gul mein zakham ka chehra kisey dikhaon,
Shabnam badast log tou kantey chubho gaye,

Aanchal mein phool le ke kahan ja rahi hoon mein,
Jo aney waley log they, woh log to gaye,

Kya janiye ufq ke udhar kya talism hai,
Lautey nahin zameen pe ik baar jo gaye,

Jese badan se qos-e-qaza phootne lagi,
Barish ke haath phool ke sab zakhm dho gaye,

Ankhon mein dheere dheerey utar ke puraney gham,
Palkon main nanhe nanhe sitarey piro gaye,

Woh bachpney ki need tou ab khawb ho gayi,
Kya umar thi ke raat huyi aur so gaye,

Kya dukh they, kon jaan sake ga, nigar-e-shab,
Jo mere aur tere dupatey bhigo gaye..

(Talism:Magic)(Piro:Attach)(Bhigo:Make Something Wet)(Hawaa Burd:Flown Away with Air)

Guzre dinon ki achi batain yaad rakhta hoon,
Khushiyon mein bhi ashkon ki baratain sath rakhta hoon,

Mein ab aksar tanha ho kar bhi tanha nahin rehta,
Jahan bhi rahoon teri yadain sath rakhta hoon

Mujh ko kabhi zaroorat nahin pari mashk o atar ki,
Tere badn ki khushbu, teri mehkti sansain sath rakhta hoon

Kese bhool sakta hoon mein pata apne ghar ka,
Tere kadmon ke nishan, Teri ankhen sath rakhta hoon

Jo guzrey they bazu’on mein tere, Ehd o peimaan karte hoye
Woh sarey din woh sari ratain sath rakhta hoon

Woh tera mujhe se larna, roothna, Phir khud hi maan jana,
In shararton mein chupi theen jo woh mohbtain sath rakhta hon

Mehkte rangeen kaghzon ke khat, In mein se sajay gulaab sarey,
Chehre pyar ki sab yeh soghatain sath rakhta hoon

Jin per kabhi chale they hum hath mein daley hath waqas,
Mein woh sab raste, Sab raahain sath rakhta hoon…

(Ashkon:Tears)(Mashk-o-Atar:Fragrance)(Khat:Letter)(Soghatain:Things)(Raahain:Way)

Hum to Be-naam se Be-aasra Log hain Wasi
Koi Agar yad rakhe ga to us ki enayat hogi

Ab tak tou kher teri tamana mein katt gayi,
Tu mil gaya tou sochta hon kya karon ga mein..

Aaj phir chand ufaq par nahin ubhra mohsin,
Aaj phir raat na guzrey gi suhaani apni…

Isay khaloos kaho ya hamari nadaani,
Jo koi hans ke mila us se dosti karli..

Ajnabi logon mein ho tum aur itni door ho,
Aik uljhan si raha karti hai rozaana humain..

Utha kar choom li hain chand murjhayi huyi kaliyan,
Na tum aye tou yoon jashn-e-baharan karliya mene..

Ab is ke baad ghane junglon ki manzil hai,
Yeh wakat hai ke palat jayen humsafar mere..

Abhi mehfil mein nazar ate hain naadam chehre
Lau charaghon ki zara aur ghata di jaye..