Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



Do ghaRri us se raho door to yun lagta hai..

Urdu Poets

Do ghaRri us se raho door to yun lagta hai,
Jis tarah saya-e-dewar se dewar juda..



Mohabbat kis ko kehte hain, adavat kis ko kehte hain..

Urdu Poets

Mohabbat kis ko kehte hain, adawat kis ko kehte hain,
BichaRr kar tum se jana hai, qayamat kis ko kehte hain,

Isi zid main utri hoon, qayamatkhez lehron main,
Ke dekhoon gi mohabbat main karamat kis ko kehte hain,

Zamana puchta kuch hai, bata doon aur hi kuch main,
Tumhi se maine seekha hai wazahat kis ko kehte hain,

Abhi khamosh bethi hoon magar main waqt paRrne par,
Zamane ko bata doon gi baghawat kis ko kehte hain,

Hazaron dard seh kar bhi yeh dete hain duaa sab ko,
Ke ehl-e-ishq se seekho, sakhawat kis ko kehte hain..



Ajab asbab karta ja raha hoon..

Urdu Poets

Ajab asbab karta ja raha hoon,
Lahu seemab karta ja raha hoon,

Main apni mauj main ik raqss-e-digar,
Sar-e-girdab karta ja raha hoon,

Azal se jagti ankhon jahan main,
Basar ik khawb karta ja raha hoon,

Sar-e-mizhgan ubharta hai jo tara,
Usse mahtab karta ja raha hoon,

Jo dil ik umar se banjar paRre they,
Unhen sairab karta ja raha hoon,

Main rah-e-shauq ki har kankari ko,
Dur-e-nayab karta ja raha hoon,

Woh ejaz-e-sukhan bakhsha hai us ne,
ChaTtanen aab karta ja raha hoon..



Din bhar to main duniya ke dhandhon main khoya raha..

Urdu Poets

Din bhar to main duniya ke dhandhon main khoya raha,
Jab deewaron se dhoop Dhalli tum yaad aye..



Dil thaam ke karwaTt pe liye jaon hoon karwaTt..

Urdu Poets

Dil thaam ke karwaTt pe liye jaon hoon karwaTt,
Woh aag lagi hai ke bujhaye na bane hai..



Dil pe aaye huye ilzam se pehchante hain..

Urdu Poets

Dil pe aaye huye ilzam se pehchante hain,
Log ab mujh ko tere naam se pehchante hain..



Dil mohabbat se bhar gaya bekhud..

Urdu Poets

Dil mohabbat se bhar gaya bekhud,
Ab kisi par fida nahin hota..



Jab bhi aangan main tere chand nikla hoga..

Urdu Poets

Jab bhi aangan main tere chand nikla hoga,
Mere baare main kabhi tu ne socha hoga,

Mashwra hai ke kisi aik se mukhlis rehna,
Jaane wale yeh tumhare liye acha hoga,

Us ne phoolon ki numayesh main kahan jana hai,
Muskurate huye jis ne tujhe dekha hoga,

Mudatton baad guzarna hai tere gaon se,
Mudatton baad kisi baat pe rona hoga,

Meri zulfon ko bikharne se bacha le warna,
Dekh ae shakhs tujhe sara bichaRrna hoga,

Tujh ko Tehmina yeh ik baat samajhna hogi,
Ishq karna hai to ik roz bichaRrna hoga..



Tera chup rehna mere zehen main kya beth gaya..

Urdu Poets

Tera chup rehna mere zehen main kya beth gaya,
Itni awazen tujhe di ke gala beth gaya,

Yun nahin hai ke faqat main hi usse chahta hoon,
Jo bhi us paiRr ki chaon main gaya beth gaya,

Itna meetha tha woh ghusse bhara lehja mat puch,
Us ne jis ko bhi jaane ka kaha beth gaya,

Apna laRrna bhi mohabbat hai tumhen ilm nahin,
Cheekhti tum rahi aur mera gala beth gaya,

Us ki marzi woh jise paas bitha le apne,
Is pe kya laRrna falaan meri jagah beth gaya,

Baat dariyaon ki suraj ki na teri hai yahan,
Do qadam jo bhi mere sath chala beth gaya,

Bazm-e-janan main nashistain nahin hoti makhsus,
Jo bhi ik baar jahan beth gaya, beth gaya..



Dil main na ho jurat to mohabbat nahin milti..

Urdu Poets

Dil main na ho jurat to mohabbat nahin milti,
Khairaat main itni baRri daulat nahin milti..


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari