Urdu Poets

dekho, puray chand ka gola, peepal par aTka hai
chupke se chhat par aa jao, mil kar rotay hain

tumhare baad bassar ho gi aah-o-zaari main
faqeer eid manayen ge sogwaar-i main

zakham taaza naheen karen ge hum
tujhe dekha naheen karen ge hum

humen kar lo qabool aeb samait
warna acha naheen karen ge hum

tazkara ap ka bhi ho ga magar
walihaana naheen karen ge hum

aap ka ehteram apni jagah
phool zaaya naheen karen ge hum

zameen choRri hai maine na asmaan maine
tumhain pukara nahin hai kahan kahan maine

yaar kuch chehre mere zehen main hain jin ke sabab
koi chehra bhi mujhe yaad nahin rehta

sari khalqat rula ke sona hai
us ko jis din bhula ke sona hai

hamari zindagi barbad ho gayi lekin
qasoorwar na laye gaye saza ki taraf

us ne kuch soch kar kaha hoga
hum ne matlab ghalat liya hoga

yaar mujh ko nikalo wehshat se
yaar koi to raasta hoga

yeh hawaa-on ka kaam hai hi nahin
yeh diyaa qatl hi hua hoga

aap to karbala se aye hain
aap ko to khuda mila hoga

aap bhi aye hain kisi ki jagah
kal ko yeh aap ki jagah hoga

sehraa na de mujhe kabhi daryaa na de mujhe
kuch bhi woh shakhss hasb-e-tamanna na de mujhe

jane laga hoon samne se us ke uTh ke main
par dil main hai woh rok le rasta na de mujhe

main aakhri hoon apne qabeele ka aadmi
tu maslehat ki oTt main marwa na de mujhe

ae rab-e-khawb chashm-e-takhayur ki khair ho
jo khawb de hai khawb ka chehra na de mujhe

aaj phir ghar main tera zikar hua
aaj phir adhi bhook choRri gayi