Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



Yuun bhi bhook miTa sakta hai..

Urdu Poets

Yuun bhi bhook miTa sakta hai,
Banda miTi kha sakta hai,

Ik luqme ki ujrat kya hai,
Ik mazdoor bata sakta hai,

Ahista se paon rakhna,
Kamra shor macha sakta hai,

MiTi ki khasslat main kya hai,
Yeh iblees bata sakta hai,

Kitni dair ik bhenss ke aage,
Banda been baja sakta hai,

Jibrael se aage aami,
Ishq musafir ja sakta hai..



Jeene ko kherani paida karta hoon..

Urdu Poets

Jeene ko kherani paida karta hoon,
Khamoshi se maani paida karta hoon,

Tum ko kya maloom ke kitni mushkil se,
Thori si aasaani paida karta hoon,

Shaam Dhale main sahil par jata hoon aur,
Maujon main tughyani paida karta hoon,

Aksar shair ko Dhakta hoon main lafzon se,
Kabhi kabhi uryaani paida karta hoon,

Paon banata hoon aur phir main in ke liye,
Raah koi anjaani paida karta hoon..



Aur phir mohabbat main jee ke mar ke dekha hai..

Urdu Poets

Aur phir mohabbat main jee ke mar ke dekha hai
Log sochte hain jo, hum ne kar ke dekha hai



Tumhare sath gayi jo khushi, nahin ayi..

Urdu Poets

Tumhare sath gayi jo khushi, nahin ayi,
Phir us ke baad labon par hansi nahin ayi,

BichaRrte waqt bohat zaam tha usse khud par,
Meri abhi ankh main bilkul nami nahin ayi..



Khud banaon gi teri duniya main..

Urdu Poets

Khud banaon gi teri duniya main,
Us main apni kami banaon gi..



Do ghaRri us se raho door to yun lagta hai..

Urdu Poets

Do ghaRri us se raho door to yun lagta hai,
Jis tarah saya-e-dewar se dewar juda..



Mohabbat kis ko kehte hain, adavat kis ko kehte hain..

Urdu Poets

Mohabbat kis ko kehte hain, adawat kis ko kehte hain,
BichaRr kar tum se jana hai, qayamat kis ko kehte hain,

Isi zid main utri hoon, qayamatkhez lehron main,
Ke dekhoon gi mohabbat main karamat kis ko kehte hain,

Zamana puchta kuch hai, bata doon aur hi kuch main,
Tumhi se maine seekha hai wazahat kis ko kehte hain,

Abhi khamosh bethi hoon magar main waqt paRrne par,
Zamane ko bata doon gi baghawat kis ko kehte hain,

Hazaron dard seh kar bhi yeh dete hain duaa sab ko,
Ke ehl-e-ishq se seekho, sakhawat kis ko kehte hain..



Ajab asbab karta ja raha hoon..

Urdu Poets

Ajab asbab karta ja raha hoon,
Lahu seemab karta ja raha hoon,

Main apni mauj main ik raqss-e-digar,
Sar-e-girdab karta ja raha hoon,

Azal se jagti ankhon jahan main,
Basar ik khawb karta ja raha hoon,

Sar-e-mizhgan ubharta hai jo tara,
Usse mahtab karta ja raha hoon,

Jo dil ik umar se banjar paRre they,
Unhen sairab karta ja raha hoon,

Main rah-e-shauq ki har kankari ko,
Dur-e-nayab karta ja raha hoon,

Woh ejaz-e-sukhan bakhsha hai us ne,
ChaTtanen aab karta ja raha hoon..



Din bhar to main duniya ke dhandhon main khoya raha..

Urdu Poets

Din bhar to main duniya ke dhandhon main khoya raha,
Jab deewaron se dhoop Dhalli tum yaad aye..



Dil thaam ke karwaTt pe liye jaon hoon karwaTt..

Urdu Poets

Dil thaam ke karwaTt pe liye jaon hoon karwaTt,
Woh aag lagi hai ke bujhaye na bane hai..


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari