Urdu Poets

Ranjish.com has lots of Urdu Urdu Poets Poetry. Feel free to add your own Urdu Poets Shayari here.

Urdu Poets Collection

Urdu Poets are known to be great poets. Urdu Poets and their poetry is extremely popular over the urdu readers. We have collected almost every Urdu Poets Poetry here so you can read these urdu poetry and enjoy.



kisi ke honTon pe ayi hansi ko dukh mat do

Urdu Poets

kisi ke honTon pe ayi hansi ko dukh mat do
kisi ka dil mat dukhao kisi ko dukh mat do

khuda ki marzi samajh kar mujhe bhula do bas
zara si baat pe ab zindagi ko dukh mat do

guzar chuka hai yeh kirdar is kahani se
sadaa-en de ke meri khamshi ko dukh mat do

gali gali main tamasha lagaye phirte ho
jadeed sher kaho shayari ko dukh mat do



tumhara hijr manaya to main akela tha

Urdu Poets

tumhara hijr manaya to main akela tha
junoon ne hashr uthaya to main akela tha

dayaar -e- khawb tha, tum they, tamam duniya thi
kisi ne aa ke jagaya to main akela tha

koi hussaini na nikla mere rafeeq-on se
dia bhuja ke jalaya to maine akela tha

tumhara hath nahin tha, woh mauj -e- girya thi
meri samajh main jab aya to main akela tha

dayaar -e- ghair gaya tha main khushi-yan lane ko
palaTt ke gaaon jab aya to main akela tha

kahan se ayi hai akhir teri talab mujh main
mujhe khuda ne banaya to main akela tha



baat darasal woh nahin thi yaar

Urdu Poets

baat darasal woh nahin thi yaar
woh magar kitni dilnasheen thi yaar

mera baTtwa kidhar gaya akhir
meri ainak yahin kahin thi yaar

khawb rakhe they jis jagah maine
neend rakhi hui wahin thi yaar

jab talak baap mera zinda tha
mere qadam-on taley zameen thi yaar



aik kohraam bapaa hai mujhe main

Urdu Poets

aik kohraam bapaa hai mujhe main
jane kya TooT gaya hai mujh main

tum chale aao bina dastak ke
aik darwaza khula hai mujh main

rang -o- khushbu se bhara rehta hoon
tu hai ya phool khila hai mujh main

zindagi tujh ko hai jana jab se
khauf sa beth gaya hai mujh main

main to raazi tha teri bait par
par koi bol paRra hai mujh main

ab wohi thookta rehta hoon main
tum ne jo zeher bhara hai mujh main

dil ke abaad nagar tha bali
ab to veeran paRra hai mujh main



zeher aesa tha kuch zaban-on main

Urdu Poets

zeher aesa tha kuch zabaan-on main
teer hote hain jaise kamaan-on main

maazrat hai jo meri baat-on se
farq aaya ho tere shaanon main

woh mohabbat to uTh gayi kab ki
tazkara reh gaya fasaanon main

khud ko dekhoon, tujhe, ke duniya ko
zindagi baTt gayi hai khaanon main

tu nahin hai magar teri awaz
ab bhi rass gholti hai kaan-on main

ab khuda bhi kisi ko yaad nahin
paRr gaye log kin gumaan-on main

daaj pyara hai un ko dulhan se
yeh riwayat hai kuch gharanon main

sheher veeran ho gaya sara
log ab band hain makaan-on main

waizon ki suno magar bali
ungliyan de ke apne kaan-on main



har ghaRri karbala si lagti hai

Urdu Poets

har ghaRri karbala si lagti hai
zindagi ab saza si lagti hai

baat us ke lab-on se nikle to
narawaa bhi rawaa si lagti hai

dil kisi tarah manta hi nahin
par mujhe bewafa si lagti hai

zulf lehrayi hai zaroor us ki
yeh jo kaali ghaTta si lagti hai

Aesi qismat mili humen yaar-o
jab bhi dekho khafaa si lagti hai

mujhe ko yeh azn shayari bali
mere rab ki ataa si lagti hai



aesi kaali jo raat aye gi

Urdu Poets

aesi kaali jo raat aye gi
teri zulfon pe baat aye gi

tere daman main Daal doon ga main
gar khushi mere hath aye gi

mujh ko maloom tha yeh pehle se
mere hisse main maat aye gi

saari behes-en samaiTt doon lekin
darmiyan teri zaat aye gi

kaise chal pao ge kaho bali
har qadam par jo ghaat aye gi



ankh jaye ke ankh ka kajal jaye

Urdu Poets

ankh jaye ke ankh ka kajal jaye
khawb ka ik sira pata chal jaye

maine sadqa kiya ghuroor apna
sar se yeh ishq ki balaa Ttal jaye



jurm -e- nakarda pe jab suli chaRrhayi gayi

Urdu Poets

jurm -e- nakarda pe jab suli chaRrhayi gayi main
ibn -e- maryam ki tarah zinda uthayi gayi main

lene aye sabhi baRrh chaRrh ke balaa-en meri
ik tamasha saja, dulhan si sajayi gayi main

kabhi tezab chiRak kar mujhe sharmaya gaya
kabhi choolhe ki karamat se jalayi gayi main

bibi zahra ki ridaa aa paRri shanon pe mere
nange sar jab kabhi galiyon main ghumayi gayi main

hashr main ho ga mere hath girebaan tera
ae zamane tere hathon woh satayi gayi main



ae meer ke dukh ! meri banhon main samaa ja

Urdu Poets

ae meer ke dukh ! meri banhon main samaa ja
ae shokhi -e- ghalib ! lab -o- rukhsar pe chha ja

ae jaun ki masti ! meri ankhon se guzar ja
nasir ki udasi ! meri janib ko safar kar


Advertisements

We update our poetry database on daily basis so keep coming back for more Urdu Poets.



love shayari romantic shayari sad shayari nazam shayari