Saghar Siddiqui

Ranjish.com has lots of Urdu Saghar Siddiqui Poetry. Feel free to add your own Saghar Siddiqui Shayari here.

Saghar Siddiqui Collection

Saghar Siddiqui
1928-1974

Saghar Siddiqui was a famous urdu poet from Pakistan. He lived a ruined and homeless life all by himself. He died on in 1974.
We have huge collection of Saghar Siddiqui poetry for our users to enjoy. Users can now send Saghar Siddiqui poetry to their friends as SMS.



Teri nazar ka rang bahanon ne le liya

Saghar Siddiqui

Teri nazar ka rang bahanon ne le liya,
Afsurdgi ka roop taraano’n ne le liya,

Jin ko bhari bahaar mein ghunchay na keh sake,
Woh waaqeyaa bhi mere fasaanon ne liya,

Shayed milay ga qaryaa mehtaab mein sakoon,
Ehl-e-fard ko aese gumaano’n ne le liya,

Yazwaa’n se bacha raha tha jalalat ka ek lafz,
Us ko haram ke shokh beyaano’n ne le liya,

Teri adaa se ho na saka jis ka faisla,
Woh zindagi ka raaz fashaano’n ne le liya,

Afsaana hayaat ki takmeel ho gayi,
Apno’n ne le liya ke begaano’n ne liya,

Bholi nahin woh qos-e-qazaah ki si surtain,
Saghir tumhain to mast dheyaano’n ne le liya..



Yaad aa ke reh gaye hain zamane wafaon ke

Saghar Siddiqui

Yaad aa ke reh gaye hain zamane wafaon ke,
Sholay jala ke chal diye jhonkay wafaon ke,

Har ik qadam par talkhii doraa’n ki dhoop thi,
They hum bhi us gali mein talabgar chaaon ke,

Karte rahe jo chand sitaaron ki rehbri,
Kuch log muntazir hain unhi rehnumaaon ke,

Har zehen mein parre hain teri zulf ke bhanwar,
Har dil ki sarzamee’n mein nishaan tere paaon ke,

Be’chaargi zeest ka daaman na bhar saka,
Hum ne lutaa diye hain khazaney dua‘on ke,

Tajdeed-e-zoq Saghir-o-meena ki baat kar,
Badle huye rang-e-chaman ki fizaaon ke..



Ataa Jisay Tera Aks-e-Jamaal Hota Hai

Saghar Siddiqui



Ataa Jisay Tera Aks-e-Jamaal Hota Hai

Saghar Siddiqui

Ataa Jisay Tera Aks-e-Jamaal Hota Hai
Wo Phool Saaray Gulistaan Ka Laal Hota Hai

Raah-e-Majaaz Mein Hain Manzilain Haqeeqat Ki
Magar Ye Ahl-e-Nazar Ka Khayaal Hota Hai

Talaash Karti Hai Saaye Tumhaare Aanchal Ke
Chaman Mein Baad-e-Sabaa Ka Ye Haal Hota Hai

Bahaar-e-Fitrat Sayyaad Ki Kahani Hai
Ke Iske Dosh Pe Phoolon Ka Jaal Hota Hai

Ye Waardaat Bhee Ab Dil Pe Roz Hoti Hai
Musarraton Mein Bhee Ham Ko Malaal Hota Hai

Ye Bikhray Bikhray Se Gesu, Thaki Thaki Aankhain
Ke Jaisay Koi Gulistaan Nidhaal Hota Hai

Jawaab De Na Sakay Jis Ka Do Jahaan Sagar
Kisi Ghareeb Ke Dil Ka Sawaal Hota Hai



Dukh Dard Ki Soghaat Hai Duniya Teri Kya hai

Saghar Siddiqui

Dukh Dard Ki Soghaat Hai Duniya Teri Kya hai
Ashkon Bhari Barsaat Hai Duniya Teri Kya hai

Kuch log Yahan Noor-e-Seher Dhoond Rahe Hain
Tareek Si Eik Raat Hai Duniya Teri Kya hai

Taqdir Key Chehrey Ki Shikan Dekh Raha Hon
Aayiena e Halaat Hai Dunya Teri Kya hai

Paband e Mashiyet Hai Tanafas Bhi Nazar Bhi
Eik Juzia-e-Lamhaat Hai Duniya Teri Kya hai

Majrooh Hai Taqadas , Taqadas Ki Haqiqat
Roodaad e Kharabaat Hai Duniya Teri Kya hai

Saghar” Mein Chalaktey Hain Samavaat Key Asraar
Saaqi Ki Karamaat Hai Duniya Teri Kya hai



Chand murjhayi huyi kaliyan

Saghar Siddiqui

Utha kar choom li hain chand murjhayi huyi kaliyan,
Na tum aye tou yoon jashn-e-baharan karliya mene..


Advertisements

We update our poetry database on daily basis so keep coming back for more Saghar Siddiqui.



love shayari romantic shayari sad shayari nazam shayari