sharmaanaa zarurii hai
sharmaanaa zarurii h..
usuulo.n pe jahaa.N aa.Nch aaye Thakaraanaa zaruurii hai
jo zindaa ho.n to phir zindaa nazar aanaa zaruurii hai
na_ii umro.n kii Khud_muKhtaariyo.n ko kaun samajhaaye
kahaa.N se bach ke chalanaa hai kahaa.N jaanaa zaruurii hai
thake haare parinde jab basere ke liye lauTe
saliiqaamand shaaKho.n kaa lachak jaanaa zaruurii hai
bahut bebaak aa.Nkho.n me.n ta’alluq Tik nahii.n sakta
muhabbat me.n kashish rakhane ko sharmaanaa zaruurii hai
saliiqaa hii nahii.n shaayad use mahasuus karane kaa
jo kahataa hai Khudaa hai to nazar aanaa zaruurii hai
Two Lines Poetry
November 10th, 2010
One comment
Comment here
Next: Tamanna kiyay baghair. »
Hasnain shah
November 26th, 2010 at 8:10 pm
Subhanallah, wah Kia khob kha.