Judaa bhi honay ka andheshaa seh nahin saktey..

Judaa bhi honay ka a..

Judaa bhi honay ka andheshaa seh nahin saktey,
Hum aik sheher mein ab khush bhi reh nahin saktey,

Yeh roz-o-shab hain hamarey ke aik dusrey se,
Chupaye phirtey hain ehwaal, keh nahin saktey,

Shakist-e-zaat ka izhaar chahtey bhi nahin,
Ajeeb haal hai, hum chup bhi reh nahin saktey,

Haqeeqton ki chattanain bhi apni raah main hain,
Khayal-o-khawb ke daryaa main beh nahin saktey,

Woh be’qasoor hai, aesi bhi koi baat nahin,
Qasoorwaar hain hum, yeh bhi keh nahin saktey..


send poetry

Aitbar Sajid
March 21st, 2013

Comment here

Your Comment: