Manaa lo ro ke rab ko iltijaa se..

Manaa lo ro ke rab ko iltijaa se,
Bacha le ga woh hum ko is wabaa se,

Dua hi kaam aati hai wahan phir,
Jo masla hall nahi hota dawaa se,

Gunahon se main ab bach kar rahoon ga,
Yeh vaada hai mera apne khuda se,

Khataa-karon ki pehli saff main hoon main,
Naheen mayuus par teri ataa se,

Hai satar maaon jesa pyar tera,
Humen mehfooz rakhna har balaaa se,

Tujhe tere nabi ka vaasta hai,
Karo bakhshish hamari har sazaa se,

Razzi, Husnain ka, Zahra, Ali ka,
Main sadqa mangta hoon Mustafa se.