apni deewar main bhi tujh se dareecha na bana

apni deewar main bhi..

apni deewar main bhi tujh se dareecha na bana
is liye to mere dil tak tera rasta na bana

qad main choTte hain magar mujh se bari nafrat hai
paiRr ko kehte hain us ke liye saya na bana

itne to yaar tere hum bhi chalan jante hain
bagh yeh sabz dikha kar humen sehraa na bana

roz mujh se yeh adakari nahin ho sakti
is liye mera jahan bhar main tamasha na bana

zindagi kya hai batana tha kisi ko maine
likhne betha hoon to us par koi jumla na bana

kitni naslain yehi kehte huye mar jayen gi
agle logon se kabhi acha zamana na bana

aayina samne hote huye un se adis
koi chehra na bana koi shanasa na bana


send poetry

Amjad Adis, Ghazal Shayari
March 29th, 2021

Comments are closed.

Amjad Adis
Amjad Adis
Poetries: 2
Separator
love shayari romantic shayari sad shayari nazam shayari