Zakham Kia Kia Na Zindagi Se Milay

Zakham Kia Kia Na Zi..

Zakham Kia Kia Na Zindagi Se Milay
Khwaab Palkon Se Be-Rukhi Se Milay

Aap Ko Mil Gaye Hain Qismat Se
Ham Zamanay Mein Kab Kisi Ko Milay ?

Aisay Khushbu Se Mil Raha Hai Gulaab
Jis Tarah Raat, Roshni Se Milay

Ham Faqeeron Se Dosti Hai Magar
Os Se Kehna Ke Saadgi Se Milay

Dil Mein Rakhtay Hain Ehtyaat Se Ham
Zakham Jo Jo Bhee Jis Kisi Se Milay

Zindagi Se Galay Milay Tou Lagaa
Ajnabi Jaisay Ajnabi Se Milay

Os Ke Seenay Mein Dil Nahee Tha “Batool”
Ham Ne Socha Tha Aadmi Se Milay


send poetry

Fakhira Batool
January 8th, 2013

One comment

  1. Aashnai mein behak gaye armaan dil k,,
    Iss trah zakham hume dillagi se milay,,

Comment here

Your Comment: