Woh mujh main is tarah se runama ho kar chala jaye,

Woh mujh main is tar..

woh mujh main is tarah se runama ho kar chala jaye,
ke jaise bekhayali main koi manzar chala jaye,

mujhe marna gawara hai magar phir hadsa yuun ho,
kise ke pas bhoole se mera number chala jaye,

achanak se mile woh aur pooche haal kaisa hai,
jawaban ankh main meri koi kankar chala jaye,

suna to hai tawazan naam ki bhi cheez hoti hai,
to kyun na hath main le kar saghar, chala jaye,

ali wala hoon sau talwar ki hajat nahin mujh ko,
nihata choRr kar mujhe lashkar beshak chala jaye,

zara mushkil nahi hai aj kal to hukmrani bhi,
jise bhi raaj karna hai sar-e-mimbar chala jaye,

khuda ke naam par bandon ko itna mat hirasaan kar,
kahin aesa na ho yun ik na ik ddar chala jaye,

sahulat se jise kafir samajh kar maar dete ho,
bane ga kya agar jannat main woh kafir chala jaye..


send poetry

Ghazal Shayari, Haris Jameel
February 6th, 2021

Comments are closed.

Haris Jameel
Haris Jameel
Poetries: 5
Separator
love shayari romantic shayari sad shayari nazam shayari