Yeh kin lamhaat main bethe huye hain..

yeh kin lamhaat main bethe huye hain,
shikaari ghaat main bethe huye hain,

baRrhaa kar hath us ko chhuu to lain hum,
magar aukaat main bethe huye hain,

sahulat se jo aage baRrh saken ge,
wohi khadshaat main bethe huye hain,

ali ke naam lewaon main bethe,
lage sadaat main bethe huye hain,

yahan par bethna banta nahi hai,
magar jazbaat main bethe huye hain,

mera kya hai chala jaon ga main to,
magar jo sath main bethe huye hain..