Uss ki ankhon pe maan tha hi naheen..

uss ki ankhon pe maaaan tha hi naheen,
khawb tha khawb-daan tha hi naheen,

main taaqub main chal paRra jis ke,
dhool thi karvaan tha hi naheen,

do zameen-zaad jis main reh sakte,
is qadar aasman tha hi naheen,

gir paRra hoon to raste ne kaha,
tera mujh par to dheyan tha hi naheen,

ek khawhish thi do dilon ke beech,
aur kuch darmiyan tha hi naheen,

hum ne phoolon se khoob baaten ki,
baagh main baghbaan tha hi naheen,

uss ne chaha ke jana jaaon main,
uss se pehle jahaan tha hi naheen,

umar us main guzaar di mumtaz,
woh jo mera makaan tha hi naheen..