Dil main ik lehar si uthi hai abhi..

Dil main ik lehar si..

Dil main ik lehar si uthi hai abhi,
Koi taaza havaa chali hai abhi,

Shor barpaa hai khaana-e-dil main,
Koi deevaar si girii hai abhi,

Bharii duniya main jee naihn lagta,
Jaane kis cheez ki kammi hai abhi,

Tu shareek-e-sukhan nahin hai to kya,
Hum-sukhan teri khaamoshi hai abhi,

Yaad ki be-nishaan galiyon main,
Zindagi tujh ko dhoondti hai abhi,

So gaye log uss haveli ke,
Ek khirrki magar khulli hai abhi,

Tum to yaaro abhi se uth baithe,
Shehr main raat jaagti hai abhi,

Waqt acha bhi aaye Nasir,
Gham na kar zindagi parri hai abhi..


send poetry

Nasir Kazmi
September 3rd, 2015

Comment here

Your Comment: