Yaad Aata Hai Roz-o-Shab Koi

Yaad Aata Hai Roz-o-..

Yaad Aata Hai Roz-o-Shab Koi
Ham Se Rootha Hai Be-Sabab Koi

Lab-e-Jo Chhaon Mein Darakhton Ki
Wo Mulaaqaat Thi Ajab Koi

Jab Tujhe Pehli Baar Dekha Tha
Wo Bhee Tha Mausam-e-Tarb Koi

Kuch Khabar Le Kar Teri Mehfil Se
Door Betha Hai Jaan-e-Balab Koi

Na Gham-e-Zindagi Na Dard-e-Firaaq
Dil Mein Yunhi Si Hai Talab Koi

Yaad Aati Hai Door Ki Baatain
Pyaar Se Dekhta Hai Jab Koi

Chout Khaayi Hai Baar-Haa Laikin
Aaj Tou Dard Hai Ajab Koi

Jin Ko Mitna Tha Mit Chukay Nasir
Un Ko Ruswa Karay Na Ab Koi


send poetry

Nasir Kazmi
May 24th, 2012

Comment here

Your Comment: