Mudatton hum ne gham sambhaale hain..
Mudatton hum ne gham..
Mudatton hum ne gham sambhaale hain,
Ab teri yaad ke havaale hain,
Zindagi ke haseen chehre pr,
Gham ne kitne hijaab daale hain,
Kuch gham-e-zeest ka shikaar huye,
Kuch maseeha ne maar daale hain,
Rahguzar-e-hayaat main hum ne,
Khud naye raaste nikaale hain,
Aye shab-e-gham zara sambhaal ke rakh,
Hum teri subh ke ujaale hain,
Zauq-e-khud-agaahi ne aye “qabil”,
Kitne but-khaane torr daale hain..
Qabil Ajmeri
October 3rd, 2015