Yeh hijr lagne laga aarzi judai mujhe

yeh hijr lagne laga aarzi judai mujhe
kayi mahinon ke baad us ki call ayi mujhe

hazar zaiqe us rass bhari zaban main thay
jab us ne meri ghazal raat bhar sunayi mujhe

main cigretton ki tarah dair tak sulagta rahoon
jalaye tere labon ki dia-salayi mujhe

usse khabar hui beemar mar gaya hai tera
woh choRr chaRr ke sab dekhne ko ayi mujhe

shifaa naseeb se milte hai sau mile na mile
tumhare hath se milti rahe dawayi mujhe