Apne hunar ki dhaak bithane main dair ki..

Apne hunar ki dhaak ..

Apne hunar ki dhaak bithane main dair ki..

Apne hunar ki dhaak bithane main dair ki,
Jo dekhte rahe woh dikhane main dair ki,

Woh bhi qabooliyat ki ghaRri dhoondta raha,
Maine bhi apne hath uthane main dair ki,

Kis ko khabar hai us ki sehar kis jahan main ho,
Jungle main jis ne aag jalane main dair ki,

Mumkin hai ab ki baar woh bach kar na ja saken,
Choron ne mil kar shor machane main dair ki,

Ik baat thi jo waqt pe main keh nahin saka,
Ik khawb tha jo maine sunane main dair ki,

Tamoor main ne us ko gale se laga liya,
Jis ne bhi mujh se hath milane main dair ki..


send poetry

Designed Shayari, Ghazal Shayari, Tamoor Zulfiqar
April 1st, 2019

Comments are closed.

Tamoor Zulfiqar
Tamoor Zulfiqar
Poetries: 1
Separator
love shayari romantic shayari sad shayari nazam shayari