Jab bhi aangan main tere chand nikla hoga..

Jab bhi aangan main tere chand nikla hoga,
Mere baare main kabhi tu ne socha hoga,

Mashwra hai ke kisi aik se mukhlis rehna,
Jaane wale yeh tumhare liye acha hoga,

Us ne phoolon ki numayesh main kahan jana hai,
Muskurate huye jis ne tujhe dekha hoga,

Mudatton baad guzarna hai tere gaon se,
Mudatton baad kisi baat pe rona hoga,

Meri zulfon ko bikharne se bacha le warna,
Dekh ae shakhs tujhe sara bichaRrna hoga,

Tujh ko Tehmina yeh ik baat samajhna hogi,
Ishq karna hai to ik roz bichaRrna hoga..