audio poetry

Latest Video Poetry

design poetry

Latest Designed Poetry

  • agahapni-thumb
  • shart-thumb
  • khushkhush-thumb
  • wohwaqtkajahaz-thumb
  • jakelaut-thumb
facebook like
twitter

Urdu Shayari

Ranjish.com is undoubtedly the freshest poetry website on planet. We offer urdu shayari, urdu sms, designed poems and shayari on several topics.
We are committed to keep our shayari database fresh so that our users can always new and fresh poems on Ranjish.com. Every poetry can now be sent as SMS.
google play

Urdu Poetry

Agaah apni maut se koi bashar nahin..

Hairat Allahabadi Poetry

Agaah apni maut se koi bashar nahin,
Samaaan sau barass ka hai pal ki khabar nahin,

Aa jayen raub-e-ghair main hum woh bashar nahin,
Kuch aap ki tarah humen logon ka ddar nahin,

Ik to shab-e-firaq ke sadmay hain jaan-gudaaz,
Andhair is pe yeh hai ke hoti sehar nahin,

Kya kahiye is tarah ke talaavuun-mizaaaj ko,
Vaade ka hai yeh haal, idhar haan udhar nahin,

Rakhte qadam jo vaadi-e-ulfat main be-dharrak,
Hairat‘ sivaa tumhare kisi ka jigar nahin..

Send this as SMS | Designed Shayari, Ghazal Shayari, Hairat Allahabadi
December 3rd, 2016


Advertisements

Jab bhi teri yaadon ke silsla sa chalta hai..

sath sath chalta hai

Jab bhi teri yaadon ke silsla sa chalta hai,
Ik charaagh bujhta hai ik charaagh jalta hai,

Shart gham-gusaari hai warna yuun to saaya bhi,
Door door rehta hai, sath sath chalta hai,

Sochta hoon akhir kyun roshni nahin hoti,
Daagh bhi ubharte hain, chand bhi nikalta hai,

Kese kese hungaame uth ke reh gaye dil main,
Kuch pata magar un ka aansuyon se chalta hai,,

Send this as SMS | Designed Shayari, Ghazal Shayari, Rasa Chughtai
December 1st, 2016

Kuch is adaa se aap ne puucha mera mizaaj..

Kuch is adaa se aap ne puucha mera mizaaj,
Kehna parra ke shukar hai parvardigaar ka..

Send this as SMS | Jaleel Manikpuri, Two Lines Poetry
November 30th, 2016

Waqt khush khush kaatne ka mashwara dete huye..

waqt khush khush kaatne ka mashwara

Waqt khush khush kaatne ka mashwara dete huye,
Ro parra woh aap mujh ko hauslaa dete huye,

Us se kab dekhi gayi thi mere rukh ki murdani,
Phair leta tha woh muuh mujh ko davaa dete huye,

Be-zabaani bakhsh di khud-ehtisaabi ne mujhe,
Hont sil jaate hian duniya ko gilaa dete huye,

Apni raah masduud kar de ga yehi barrhta hujoom,
Yeh na sochaa har kisi ko raasta dete huye,

Aap apne qatal main shamil tha main maqtuul-e-shauqq,
Yeh khulaa mujh par talab ka khuun-bahaa dete huye,

Woh humen jab tak nazar aata raha takte rahe,
Geeli aankhon ukhrre lafzon se duaa dete huye,

Jaane kis dehshat ka saaya us ko mohr-e-lab hua,
Dar raha hai woh mujhe khul kar sadaa dete huye,

Be-aman tha aap lekin mojzaa hai yeh ‘ryaz’,
Haala-e-shafqat tha us ko aasra dete huye..

Send this as SMS | Designed Shayari, Ghazal Shayari, Riaz Majeed
November 29th, 2016

Bazzm-e-takallufaat sajaane main reh geya..

Woh waqt ka jahaz tha

Bazzm-e-takallufaat sajaane main reh geya,
Main zindagi ke naaz uthaane main reh geya,

Taaseer ke liye jahan tehreef ki gayi,
Ik jholl bas wahin pe fasaane main reh geya,

Sab mujh pe mohr -e-jurm lagaate chale gaye,
Main sab ko apne zakham dikhaane main reh geya,

Khud haadsa bhi maut pe us ki tha dam-ba-khud,
Woh dusron ki jaan bachaane mein reh geya,

Ab ehl-e-kaarvaaan pe lagaata hai tohmaten,
Woh hamsafar jo heelay bahaane main reh geya,

Woh waqt ka jahaz tha karta lihaaz kya,
Main doston se haath milaane main reh geya,

Sunta nahin hai muft jahan baat bhi koi,
Main khaali haath aese zamaane main reh geya,

Bazar-e-zindagi se qazaa le gayi mujhe,
Yeh daur mere daam lagaane main reh geya,

Yeh bhi hai ek kaar-e-numayan ‘hafiz’ ka,
Kya saadaa-loh kaise zamaane main reh geya..

Send this as SMS | Designed Shayari, Ghazal Shayari, Hafeez Marathi
November 28th, 2016

Hum shaikh, na leader..

Hum shaikh, na leader, na masaahab, na sahafi,
Jo khud nahin karte woh hidaayet na karen ge..

Send this as SMS | Faiz Ahmad Faiz, Two Lines Poetry
November 27th, 2016

Ja ke phir laut jo aye woh zamanaa kesa..

saleem ahmed poetry

Ja ke phir laut jo aye woh zamanaa kesa,
Teri aankhon ne yeh chairra hai fasaana kesa,

Aankh sharamsaar-e-tamanna hai, tu vada kar le,
Chaal kehti hai ke ab laut ke aana kesa,

Mujh se kehta tha ke saaye ki tarah saath hain hum,
Yuun na milne ka nikaala hai bahaana kesa,

Khud bhi socha tha bohat, us ne bhi pucha tha bohat,
Haal jab khud hi na samjhe to sunaana kesa,

Tujh ko paanay ki havass thi, so kise maloom tha,
Apne hi aap ko kho bethen ge, paana kesa..

Send this as SMS | Designed Shayari, Ghazal Shayari, Saleem Ahmed
November 26th, 2016

Dil main aur to kya rakha hai..

dil main aur to kya rakha hai

Dil main aur to kya rakha hai,
Tera dard chupaa rakha hai,

Itne dukhon ki tez hawaa main,
Dil ka deep jalaa rakha hai,

Dhoop se chehron ne duniya main,
Kya andher machaa rakha hai,

Is nagrii ke kuch logon ne,
Dukh ka naam davaa rakha hai,

Vaaada-e-yaaar ki baat na cherro,
Yeh dhoka bhi khaa rakha hai,

Bhool bhi jao beeti baaten,
In baaton main kya rakha hai,

Chup chup kyun rehte ho ‘nasir’,
Kya yeh rog laga rakha hai..

Send this as SMS | Designed Shayari, Ghazal Shayari, Nasir Kazmi
November 25th, 2016

Ek yaad ki maujoodgi seh bhi nahin saktey..

Ek yaad ki maujoodgi seh bhi nahin saktey
Yeh baat kisi aur se keh bhi nahin saktey

Tu apne gehan mein hai to main apne gehan mein
Do chaand hain ek abr mein geh bhi nahin saktey

Hum-jism hain aur dono ki bunyadein amar hain
Ab kaise bichhar jain ki Dah bhi nahin saktey

Dariya hoon kisi roz muawan ki tarah mil
Yeh kya ke hum ek laher mein beh bhi nahin saktey

Khuwaab aayen kahan se agar ankhain hoon purani
Aur subh tak is khof mein reh bhi nahin saktey

Send this as SMS | Ghazal Shayari, Latest Shayari
November 24th, 2016

Bhanwar main mashware paani se leta hoon..

Main har mushkil ko asani se leta hon

Bhanwar main mashware paani se leta hoon,
Main har mushkil ko aasaani se leta hoon,

Jahan danaayi deti hai koi moqa,
Wahan main kaam nadaani se leta hoon,

Woh mansoobe hain kuch abaad hone ke,
Main jin par raaye veerani se leta hoon,

Ab apne aablon ki ghaatiyon se bhi,
Samandar dekh asaani se leta hoon,

Nahin leta magar lene pe aaon to,
Main badlaa aag ka paani se leta hoon,

Nazzar-andaaz kar deti hai jab duniya,
Janam khud apni heraani se leta hoon,

Jahan mushkil main parr jate hain gird-o-pesh,
Wahan main saans asaani se leta hoon,

Lagata hai meri beenayi par tohmat,
Main fatway jis ki uryaani se leta hoon..

Send this as SMS | Ghazal Shayari, Sarfaraz Zahid
November 23rd, 2016



love shayari romantic shayari sad shayari nazam shayari