Latest Video Poetry

Latest Designed Poetry

  • merechehrese-thumb
  • deewangishoqko-thumbs
  • abnawohshor-thumbs
  • azaabyehbhikisiaur-thumbs
  • aiksadaameretaqub-thumbs
facebook like
twitter

Urdu Shayari

Ranjish.com is undoubtedly the freshest poetry website on planet. We offer urdu shayari, urdu sms, designed poems and shayari on several topics.
We are committed to keep our shayari database fresh so that our users can always new and fresh poems on Ranjish.com. Every poetry can now be sent as SMS.

Urdu Poetry

Mujh pe beeti hai bohat…

mere chehre se andaza

Mere chehre se na andaaza lagana ke yeh umar,
Mujh pe beeti hai bohat, maine guzaari kam hai..


Advertisements

Ab kharra soch raha hoon logo..

Ab kharra soch raha hoon logo,
Kyun kiya tum ko ikatha maine..

Yeh duniya agar mil bhi jaye to kya hai..

Yeh mehlon, yeh takhton, yeh taajon ki duniya,
Yeh insaan ke dushman samaajon ki duniya,
Yeh daulat key bhookhay rawajon ki duniya,
Yeh duniya agar mil bhi jaaye to kya hai,
Yeh duniya agar mil bhi jaaye to kya hai,

Har ek jism ghayal, har ek rooh pyaasi,
Nigahon mein uljhan, dilon mein udaasi,
Yeh duniya hai ya aalam-e-badhawasi,
Yeh duniya agar mil bhi jaye to kya hai,

Yahaan ik khilona hai insaan ki hasti,
Yeh basti hai murda paraston ki basti,
Yahaan to jeevan se hai maut sasti,
Yeh duniya agar mil bhi jaye to kya hai,

Jawaani bhatakti hai badkaar ban kar,
Jawaan jism sajtey hein bazaar ban kar,
Yahaan pyaar hota hai byopaar ban kar,
Yeh duniya agar mil bhi jaye to kya hai,

Yeh duniya jahaan aadmi kuch nahi hai,
Wafaa kuch nahi, dosti kuch nahi hai,
Yahaan pyaar ki qadar hi kuch nahi hai,
Yeh duniya agar mil bhi jaye to kya hai,

Jala do isey, phoonk daalo yeh duniya,
Mere saamne se hattaa lo ye duniya,
Tumhari hai tum hi sambhalo yeh duniya,
Yeh duniya agar mil bhi jaye to kya hai..

Listen to this Poetry »

Jaahilon main nahin mile itne..

Jaahilon main nahin mile itne,
Jitne jahil parrhe likhon main mile..

Agar kabhi meri yaad aaye..

Agar kabhi meri yaad aye,
To chaand raton ki narm dilgeer roshni main,
Kisi sitaare ko dekh lena,
Agar woh nakhl-e-falak se urr kar tumhare qadmon main aa gire to,
Yeh jaan lena woh istaara tha mere dil ka,
Agar na aaye..

Magar yeh mumkin hi kis tarah hai ke tum kisi pr nigaah dalo,
To us ki deewar-e-jaan na tootay,
Woh apni hassti na bhool jaye,
Agar kabhi meri yaad aye,
Gurez karti hawaa ki lehron pe hath rakhna,
Main khushbuon main tumhe miloon ga,
Mujhe gulaabon ki patiyon main talash karna,
Main oass qatron ke aayinon main tumhe miloon ga,
Agar sitaron main, oass qatron main, khushbuon main na pao mujh ko,
To apne qadmon main dekh lena,
Main gard karti masaafton main tumhe miloon ga,

Kahin pe roshan chiraagh dekho to jan lena,
Ke har patangay ke sath main bhi bikhar chuka hoon,
Tum apne hathon se un patangon ki khaak daryaa main daal dena,
Main khaak ban kar samandron main safar karoon ga,
Kisi na dekhe huye jazeere pe ruk ke tum ko sadaayen doon ga,
Samandron ke safar pe niklo to us jazeere pe bhi utarna,
Agar kabhi meri yaad aye…

Listen to this Poetry »

Tu hamari tarah bassar kar to sahi..

Tu hamari tarah bassar kar to sahi,
Zindagi tere bhi maathay pe paseena aa jaye..

Kabhi hum khoobsurat thay..

Kabhi hum khoobsurat thay,
Kitaabon main bassi khushbu ki maanind,
Saans saakin thi,
Bohat se an-kahe lafzon se tasveeren banate they,

Parindon ke paron pr nazam likh kar,
Door ki jheelon main basne wale logon ko sunaate they,
Jo hum se door thay lekin hamare paas rehte thay,
Naye din ki musaafat jab kiran ke sath hamare aangan main utarti thi,
To hum kehte they, ami titliyon ke par kitne khoobusrat hain,
Humen maathay pe bossa do,
Ke hum ko titliyon ke, jugnuon ke des jana hai,
Humen rangon ke jugnu, Roshni ki titliyaan awaz deti hain,
Naye din ki musaafat rang main dabi hui hawaa ke sath khirrki se bulaati hai,
Humen maatthay pe bossa do,
Ke hum ko titliyon ke jugnuon ke des jana hai..

Listen to this Poetry »

Main apne rab ki rehmat ka karoon ka tazkara..

Main apne rab ki rehmat ka karoon ka tazkara aabi,
Munaafa mujh ko deta hai khasaara cheen leta hai..

Mujhe dost ban ke daghaa na de..

Mere hum-nafass mere hum-nawaa, mujhe dost ban ke dagha na de,
Main hoon dard-e-ishq se jaan ba-lab mujhe zindagi ki dua na de,

Main gham-e-jahan se nidhaal hoon ke saraapa huzn-o-malaal hoon,
Jo likhe hain mere naseeb main, woh alam kisi ko khuda na de,

Na yeh zindagi meri zindagi, na yeh dastaan meri daastan,
Main khayal o veham se door hoon, Mujhe aj koi sadaa na de,

Mere ghar se door hain raahaten, mujhe dhoondti hain museebten,
Mujhe khauf yeh ke mera pata koi gardashon ko bataa na de,

Mujhe chorr de mere haal pr, tera kya bharosa ae chaaragar,
Yeh teri nawaazish-e-mukhtasar, mera dard aur barrhaa na de,

Mera azam itna buland hai ke paraaye sholon ka ddar nahin,
Mujhe khauf aatish-e-gul se hai kahin yeh chaman ko jalaa na de,

Dar-e-yaar pe barri dhoom hai, wohi aashiqon ka hujoom hai,
Abhi neend aani hai husn ko, koi shor kar ke jagaa na de,

Mere daagh-e-dil se hai roshni, yehi roshni meri zindagi,
Mujhe dar hai ae mere chaaragar, yeh chiraagh tu hi bhujaa na de,

Woh uthe hain le ke khum-o-subuu, aray ae shakeel kahan hai tu,
Tera jaam lene ko bazm main, koi aur hath barrha na de..

Listen to this Poetry »

Us ne aesi chaal chali ke meri maat yaqeeni thi..

Us ne aesi chaal chali ke meri maat yaqeeni thi,
Phir apni apni qismat thi, haara main, pachtaaya woh..



love shayari romantic shayari sad shayari nazam shayari

RSS Shayari

  • Mujh pe beeti hai bohat… June 29, 2016
    Mere chehre se na andaaza lagana ke yeh umar, Mujh pe beeti hai bohat, maine guzaari kam hai..… The post Mujh pe beeti hai bohat… appeared first on Ranjish.com.
  • Ab kharra soch raha hoon logo.. June 27, 2016
    Ab kharra soch raha hoon logo, Kyun kiya tum ko ikatha maine..… The post Ab kharra soch raha hoon logo.. appeared first on Ranjish.com.
  • Yeh duniya agar mil bhi jaye to kya hai.. June 26, 2016
    Yeh mehlon, yeh takhton, yeh taajon ki duniya, Yeh insaan ke dushman samaajon ki duniya, Yeh daulat key bhookhay rawajon ki duniya, Yeh duniya agar mil bhi jaaye to kya hai, Yeh duniya agar mil bhi jaaye to kya hai, Har ek jism ghayal, har ek rooh pyaasi, Nigahon mein uljhan, dilon mein udaasi, Yeh […]
  • Jaahilon main nahin mile itne.. June 26, 2016
    Jaahilon main nahin mile itne, Jitne jahil parrhe likhon main mile..… The post Jaahilon main nahin mile itne.. appeared first on Ranjish.com.
  • Agar kabhi meri yaad aaye.. June 24, 2016
    Agar kabhi meri yaad aye, To chaand raton ki narm dilgeer roshni main, Kisi sitaare ko dekh lena, Agar woh nakhl-e-falak se urr kar tumhare qadmon main aa gire to, Yeh jaan lena woh istaara tha mere dil ka, Agar na aaye.. Magar yeh mumkin hi kis tarah hai ke tum kisi pr nigaah dalo, […]
  • Tu hamari tarah bassar kar to sahi.. June 21, 2016
    Tu hamari tarah bassar kar to sahi, Zindagi tere bhi maathay pe paseena aa jaye..… The post Tu hamari tarah bassar kar to sahi.. appeared first on Ranjish.com.
  • Kabhi hum khoobsurat thay.. June 20, 2016
    Kabhi hum khoobsurat thay, Kitaabon main bassi khushbu ki maanind, Saans saakin thi, Bohat se an-kahe lafzon se tasveeren banate they, Parindon ke paron pr nazam likh kar, Door ki jheelon main basne wale logon ko sunaate they, Jo hum se door thay lekin hamare paas rehte thay, Naye din ki musaafat jab kiran ke […]
  • Main apne rab ki rehmat ka karoon ka tazkara.. June 19, 2016
    Main apne rab ki rehmat ka karoon ka tazkara aabi, Munaafa mujh ko deta hai khasaara cheen leta hai..… The post Main apne rab ki rehmat ka karoon ka tazkara.. appeared first on Ranjish.com.
  • Mujhe dost ban ke daghaa na de.. June 17, 2016
    Mere hum-nafass mere hum-nawaa, mujhe dost ban ke dagha na de, Main hoon dard-e-ishq se jaan ba-lab mujhe zindagi ki dua na de, Main gham-e-jahan se nidhaal hoon ke saraapa huzn-o-malaal hoon, Jo likhe hain mere naseeb main, woh alam kisi ko khuda na de, Na yeh zindagi meri zindagi, na yeh dastaan meri daastan, […]
  • Us ne aesi chaal chali ke meri maat yaqeeni thi.. June 14, 2016
    Us ne aesi chaal chali ke meri maat yaqeeni thi, Phir apni apni qismat thi, haara main, pachtaaya woh..… The post Us ne aesi chaal chali ke meri maat yaqeeni thi.. appeared first on Ranjish.com.