Nazam Shayari

Ranjish.com has lots of Urdu Nazam Shayari Poetry. Feel free to add your own Nazam Shayari Shayari here.

Nazam Shayari Collection

Nazam Shayari is longer than usual poetries. Read Nazam Shayari here, we have got lots and lots of Nazam Shayari here. Nazam Poetry is usually said in more than 10 lines.



Jo neend main ho, ya jagte ho..

Nazam Shayari

jo neend main ho, ya jagte ho,
palak pe sapne mere hi rakhna,

sawal dil main koi na rakhna,
jawab dil main bhale hi rakhna,

jo ho zaroori tumhara jana,
to jate jate baat sun lo,

khayal rakhna magar ae jana,
khayal main bas mujhe hi rakhna..



Teri dharkan hoon, tere pyar ka andaz hoon main..

Nazam Shayari

Teri dharkan hoon, tere pyar ka andaz hoon main,
Teri humraaz hoon main, teri humraaz hoon main,

Tu mere naam koi shaam suhaani likh de,
Dil ke kaghaz pe mohabbat ki kahani likh de,
Zindagani ke naye morr ka aghaaz hoon main,

Ab koi aur bahana na banane doon gi,
Tujh ko apne se kabhi door na jane doon gi,
Tu jise sun ke palat aye woh awaz hoon main,

Meri khawhish, mera jazba, mera armaan hai tu,
Main adhoori hoon tere bin meri pehchan hai tu,
Tu mera shahjahan hai, teri mumtaz hoon main,

Tere soye huye jazbaat jagana hai mujhe,
Teri awaz se awaz milana hai mujhe,
Dhun mohabbat ki jo nikale wohi saaz hoon main..



Teri ankhon se ubharte huye alfaz paRrhe..

Nazam Shayari

Teri ankhon se ubharte huye alfaz paRrhe,
Koi mafhoom nikaalon ke nahin ?
Aur phir saare jahan to bata doon tu ne,
Dil main ulfat ke charaghon ko jalaya hai magar,
Khauf hai un ko bhuja de na koi,
Meri peshani par ubhri hui tehreer paRrho,
Yun zamane ke sitam se na Ddaro..



Yehi waada liya tha na, hamesha khush hi rehna hai..

Nazam Shayari

Yehi waada liya tha na
ke hamesha khush hi rehna
lo dekho dekh lo aa kar
meri ankhon ko dekho tum
yeh kitni shokh lagti hain
mere honton ko dekho tum
yeh hamesha muskurate hain
koi bhi gham agar aye
usse hans kar saha maine
mere chehre ko dekho tum
hamesha pur-sakoon ho ga

kaha tha maine jo tum se
woh waada kar diya poora
magar ik baat hai janan
kabhi jo waqt mil jaye
to meri shayari parhna
tumhen mehsus to hoga
kahin talkhi bhara lehja
kahin pe sard sa lehja
kabhi pe dard ki jheelain
kahin lehje ki karrwahat

suno main khush to hoon lekin
mere alfaz rote hain



Maine chupa liya, Aur mohabbat ne zahir kar diya..

Nazam Shayari

Maine chupa liya
Aur mohabbat ne zahir kar diya
Main us ko balon ko choota
Mohabbat zanjeer ban jati
Aur zanjeer ban kar
Us ki zulfon main sarayiyat kar jati
Main band jata
Muqayyad ho jata
Sar-ta-pa muqayyad aur mehsuur

Woh roothti to duniya rooth jati
Woh door hoti to
Main galiyon galiyon mara mara phirta
Apne ap ko dhoondta
Awazen deta
Chilaata

Sarrkain mera mazaq urrati
Raste mujh par awazen kaste
Mausam mujhe reham se dekhte
Log taras khate
Phir maine chupa liya
Sab ka sab
Har aik se chupa liya
Us se bhi
Logon se bhi
Aur apne ap se bhi
Maine chupa liya
Aur mohabbat ne zahir kar diya

Maine us ki khatir
Raton se pyar kiya
Aur ratjagon se dosti
Shamon se shanasayi paida ki
Aur raunaqon se ajnabi ho geya
Chand se us ka pata pucha
Aur darakhton ke sath mil ke us ka saug manaya

Main us se larr parta
Aur khud pe ghussa taan leta
Us se bolna band karta
Viraniyon se baten karna shuru kar deta
Karta jata, karta jata, karta chala jata
Us se milta aur chup ho jata

Sochta us se kahoon
Kabhi to aesa karo
Apne dinon se bahar niklo
Meri raton main ao
Aur mere wajood ko apni ankhon main utaro
Meri rooh main utro
Mujhe khud pe munkashif kar do
Aik atish
Aik tapish
Aik hiddat
Aik shiddat
Chalo door se hi sahi
Aur aik zara lamha bhar ko hi sahi
Kabhi mehsus to kar
Kabhi mehsus karne ki koshish to karo
Kabhi koshish karne ka irada to bandho
Kabhi irada bandhne ka socho to sahi
Main hamesha sochta
Lekin keh na pata



Sheher ke ek kushada ghar main..

Nazam Shayari

Sheher ke ek kushada ghar main
apne apne kaam sambhale
main aur ek meri tanhai
hum donon mil kar rehte hain
baten karte rote hanste
har dukh-sukh sehte rehte hain

aaj ke jab suraj bhi nahi tha
phoolon ke khilne ka yeh mausam bhi nahin tha
aur falak par chand ke chha jane ka hafta beet chuka tha
darwaze ki ghanti ne woh shor machaya
jis se pura ghar tharaya

hum dono hairan huye ke aesa rahi kaun ruka hai
jo is ghar ko apna ghar hi samajh raha hai
khirrki se bahar jhanka to bas ik khawb sa manzar dekha
suraj bhi dehleez pe tha
aur chand kivarr ki oatt se liptta jhank raha tha
phool khile the

hum ne is mehman ko sar ankhon oe bithaya
dil main jagah di
jo apne hum-rah sabhi mausam le aya
thaki hui tanhai ne mujh se
thori dair ko mohlat mangi
maine us ko chutti de di
sath main yeh takeed bhi kar di
dekho kal tum apne kaam pe jaldi ana
bhool na jana
yeh rahi jo saare mausam le ate hain
in ke raste sari duniya main jate hain
jis angan main chalna seekhen
us angan main ruk nahin paate
ruk jayen to thak jate hain



Bahaar ayi to jese yak-baar..

Nazam Shayari

Bahaar ayi to jese yak-baar
laut aye hain phir adam se
woh khawb sare shabaab sare
jo tere honton pe mar-mitte thay
jo mitt ke har baar phir jiye thay
nikhar gaye hain gulab sare
jo teri yadon se mushkbu hain
jo tere ushaaq ka lahu hain
ubal parre hain azaab sare
malaal-e-ahval-e-dostan bhi
khumar-e-aghosh-e-mah-vashan bhi
ghubar-e-khatir ke baad sare
tere hamare
sawal sare jawab sare
bahar ayi to khul gaye hain
naye siray se hisab sare..

بہار آئی تو جیسے یک بار



Mohabbat ab nahin hogi..

Nazam Shayari

Mohabbat ab nahin hogi,

Sitare jo damakte hain
Kisi ki chashm-e-hairaan main
Mulaqatain jo hoti hain
Jamal-e-abr-o-baaraan main

Ya naa-abad waqton main
Dil-e-nashaad main hogi
Muhabbat ab nahi hogi
Yea kuch din bad main hogi

Guzar jaein gay jab yeh din
Yeh un ki yaad main hogi
Mohabbat ab nahin hogi..



Woh aksar mujh se kehti thi, Wafa hai zaat aurat ki..

Nazam Shayari

Woh aksar mujh se kehti thi,
Wafa hai zaat aurat ki,
Magar jo mard hote hain,
Bohat be’dard hote hain,

Kisi bhanwre ki surat,
Gul ki khushbu loot jate hain,
Suno, tum ko kasam meri,
Riwayat torr dena tum,
Na tanha chorr ke jana,
Na yeh dil torr ke jana,

Magar phir yu’n hua ik din,
Mujhe anjaan raste per,
Akela chorr kar usne,
Mera dil torr kar usne,

Mohabbat chorr di usne,
Wafaa hai zaat aurat ki,
Riwayat torr di us ne..



Main bhool jaon tumhen ab yehi munasib hai..

Nazam Shayari

Main bhool jaon tumhen
ab yehi munasib hai
magar bhulana bhi chahoon
to kis tarah bhoolon
ke tum to phir bhi haqeeqat ho
koi khawb nahin
yahan to dil ka yeh alam hai kya kahoon
kambakht!
bhula na paya woh silsila
jo tha hi nahin
woh ik khayal
jo awaz tak geya hi nahin
woh ek baat
jo main keh nahin saka tum se
woh ek rabt
jo hum main kabhi raha hi nahin,
mujhe hai yaad woh sab
jo kabhi hua hi nahin

میں بھول جاؤں تمہیں اب یہی مناسب


Advertisements

We update our poetry database on daily basis so keep coming back for more Nazam Shayari.



love shayari romantic shayari sad shayari nazam shayari