Judaii Shayari

Qurbat bhi nahin dil se utar bhi nahin jata,
Woh shakhss koi faisla kar bhi nahin jata,

Ankhen hain ke khaali nahin rehti hain lahuu se,
Aur zakham-e-judai hai ke bhar bhi nahin jata,

Woh rahat-e-jaan hain magar is darbadri main,
Aesa hai ke ab dheyaan udhar bhi nahin jata,

Hum dohri aziyat ke giraftaar musaafir,
Paaon bhi hain shall shauq-e-safar bhi nahin jata,

Dil ko teri chahat pe bharosa bhi bohat hai,
Aur tujh se bicharr jaane ka ddar bhi nahin jata,

Pagal huye jaate ho ‘faraz’ us se mile kya,
Itni si khushi se koi mar bhi nahin jata..

Waqeyi ab tera hijr mujhe chaat geya,
Apni tasveer puraani se pata chalta hai..

Kya ghazab hai ke hijr ke din bhi,
Zindagi main shumaar hote hain..

Main tujh ko bhool jane ke musalssal marhale mein hoon,
Magar raftaar madham hai mujhe mehsuus hota hai..

Bass ik tere bicharrne ki dair thi jese,
Simatt ke aa geya lamhon main qurb sadiyon ka..

Judaayiyan to yeh maana barri qayamat hain.
Rafaaqton main dukh kis qadar hain kya kehne..

Aayi hogi kissi ko hijr main maut,
Mujh ko tou neend bhi nahi aati..

Yoon hatam ho raha hoon main tere hijr main,
Jese garmiyon main barff pahaarron ki..

Barri masoom si apnaayiat thi,
Woh mujh se roz jab milta nahi tha..

Ab hum visaal-e-yaar se baizaar hain bohat,
Dil ka jhukao hijar ki janib balaaa ka hai..