Love Shayari

Bohat hi saada hai tu aur zamaana ayaar*,
Khuda kare tujhe sheher ki hawaa na lage..

(ayaar:clever, chalaak)

Woh mujh per ajeeb assar rakhta hai,
Mere dil ki tamaam khabar rakhta hai,

Shayed main usey bhool hi jata magar,
Yaad aane ke woh saare hunar rakhta hai..

Phir na himmat huyi sawaalon ki,
Itna mukhtssir jawaab milaa..

Hona to wohi hai jo kismat mein likha hai,
Lekin woh mere khawb, mere khawb, mere khawb..

Haath Main Haath Un Ka Yun Aaya,
Zindagi Mere Haath Lag Gai Ho Jaise…

Is dil ne teray baad muhabbat bhi nahi’n ki
Had ye k dharakney ki jasaarat bhi nahi’n ki

Tabeer ka aizaz hua hai usey haasil
Jis ne mery khuwabo’n mein sharakat bhi nahi’n ki

Ulfat tou barri baat hai hum se to sir-e-sheher
Logo’n ne kabhi dhang se nafrat bhi nahi’n ki

Aadab-e-safar ab wo sikhatay hain jinho’n ne
Do chaar qadam tay ye musaafat bhi nahi’n ki

Kia apni safai mein bayaa’n daity k hum ne
Nakarda gunaho’n ki wazahat bhi nahi’n ki

Khamosh tamashaai k manind sir-e-bazm
So zakhm sahay dil pe, shikayat bhi nahi’n ki

Us ghar k sabhi log mujhy chorrney aaye
Dehleez talak us ne ye zehmat bhi nahi’n ki

Us ne bhi ghulam’on ki safo’n mein humain rakha
Is dil pe kabhi jis ne hakoomat bhi nahi’n ki. . !

Bacha kar sajda say tum na jo paon kheech liye,
Isi nishaan par rakh diye jabeen na kahi..

Dil se teri nigaah jigar tak utar gayi,
Dono ko aik nazar mein razamand kar gayi..

Do gharri pyar ki karain batain,
Dil jalaaney ko umar saari hai..

Khulte Hain Mujh Pe Raaz Kaai Is Jahan Ke,
Us Ki Haseen Aankhon Main Jab Jhankta Hoon..