Habib Jalib

Ranjish.com has lots of Urdu Habib Jalib Poetry. Feel free to add your own Habib Jalib Shayari here.

Habib Jalib Collection

Habib Jalib Habib Jalib
1929-1993

Habib Jalib was a revolutionary poet of Urdu language. He was known for his anti-establishment poetry. He died in 1993 in Lahore city. Habib Jalib wrote 9 poetry books in total.
Ranjish.com is the ultimate place to read Habib Jalib Poetry.



Bhulaa bhi de usay jo baat ho gayi pyare..

Habib Jalib

Bhulaa bhi de usay jo baat ho gayi pyare,
Naye charaagh jalaa, raat ho gayi pyare,

Teri nigah-e-pasheman ko kaise dekhoon ga,
Kabhi jo tujh se mulaqat ho gayi pyare,

Na teri yaad, na duniya ka gham, na apna khayal,
Ajeeb surat-e-halaat ho gayi pyare,

Udaas udaas hain shamen, bujhe bujhe saaghar,
Yeh kesi sham-e-kharabaat ho gayi pyare,

Wafa ka naam na le ga koi zamane main,
Hum ehl-e-dil ko agar maat ho gayi pyare,

Tumhen to naaz bohat doston pe tha jalib,
Allag-thalagg se ho kya baat ho gayi pyare..

Bhula bhi de usay jo baat ho gayi pyare - Habib Jalib



Us ke baghair aaj bohat jee udaas hai..

Habib Jalib

Us ke baghair aaj bohat jee udaas hai,
Jalib chalo kahin se usey dhoond layen hum..



Kahin aah ban ke lab per tera naam aa na jaye..

Habib Jalib

Kahin aah ban ke lab per tera naam aa na jaye,
Tujhe bewafa kahoon mein, woh maqaam aa na jaye,

Jisey sun ke toot jaye mera aarzu bhara dil,
Teri anjuman se mujh ko woh peyaam aa na jaye,

Woh jo manzilon per laa kar kisi hamsafar ko lootain,
Unhi rehzanon mein tera kahin naam aa na jaye,

Isi fikr mein hain ghalat yeh nizaam ke bandey,
Jo tamaam zindagi hai woh nizaam aa na jaye..



Yeh aur baat teri gali main na ayen hum..

Habib Jalib

Yeh aur baat teri gali main na ayen hum,
Lekin yeh kya ke tera sheher chorr jayen hum,

Muddat huyi hai kuye bataan ki taraf gaye,
Awaargi se dil ko kahan tak bachaayen hum,

Be’noor ho chuki hai bohat sheher ki fizaa,
Tareek raston par kahin kho na jayen hum,

Us ke baghair aaj bohat jee udaas hai,
Jaalib chalo kahin se usey dhoond ke layen hum..



Gulistanon pe hi naheen moqoof

Habib Jalib

Gulistanon pe hi naheen moqoof,
Junglon me bhi phool khilte hain..



Tujhe bhi hai zamaney se shikayat..

Habib Jalib

Yeh kya ke tujhe bhi hai zamaney se shikayat,
Yeh kya ke teri aankh bhi pur’num hai meri jaan..


Advertisements

We update our poetry database on daily basis so keep coming back for more Habib Jalib.



love shayari romantic shayari sad shayari nazam shayari