Momin Khan Momin

Ranjish.com has lots of Urdu Momin Khan Momin Poetry. Feel free to add your own Momin Khan Momin Shayari here.

Momin Khan Momin Collection



Main bhi kuch khush nahin wafa kar ke..

Momin Khan Momin

Main bhi kuch khush nahin wafa kar ke,
Tum ne acha kiya nibaah na ki..



Haal-e-dil yaar ko likhoon kyun-kar..

Momin Khan Momin

Haal-e-dil yaar ko likhoon kyun-kar,
Hath dil se juda nahin hota..



Assar us ko zara nahin hota..

Momin Khan Momin

tum hamare kisi tarah na huye

Assar us ko zara nahin hota,
Ranj rahat-faza nahin hota,

Bewafa kehne ki shikayet hai,
To bhi vaada-wafaa nahin hota,

Zikr-e-aghyaar se hua maloom,
Harff-e-naseh bura nahin hota,

Kis ko hai zauq-e-talkhh-kami laik,
Jang bin kuch maza nahin hota,

Tum hamare kisi tarah na huye,
Warna duniya main kya nahin hota,

Us ne kya jaane kya kiya le kar,
Dil kisi kaam ka nahin hota,

Imtihaan kijiye mera jab tak,
Shauq zor-aaazmaa nahin hota,

Ek dushman ki charkhh hai na rahe,
Tujh se yeh ay duaa nahin hota,

Aah tul-e-amal hai roz-fuzuun,
Garche ik muddaaa nahin hota,

Tum mere paas hote ho goya,
Jab koi doosra nahin hota,

Haal-e-dil yaar ko likhoon kyun-kar,
Haath dil se judaa nahin hota,

Rehm bar-khasm-e-jaaan-e-ghaiyr na ho,
Sab ka dil aik saa nahin hota,

Daaman us ka jo hai daraaz to ho,
Dasst-e-aashiq rasaa nahin hota,

Chara-e-dil siwaaye sabr nahin,
So tumhare siwaa nahin hota,

Kyun sunay arzz-e-muzztar ae momin,
Sanam aakhir khudaa nahin hota..



Woh jo hum main tum main qaraar tha tumhen yaad ho ke na yaad ho..

Momin Khan Momin

woh jo hum main tum main qaraar tha

Woh jo hum main tum main qaraar tha tumhen yaad ho ke na yaad ho,
Wohi yaani vaada nibaah ka tumhen yaad ho ke na yaad ho,

Woh jo lutf mujh pe they pesh-tar woh karam hi tha mere haal pr,
Mujhe sab hai yaad zara zara tumhen yaad ho ke naa yaad ho,

Woh naye gille woh shikaayeten woh mazze mazze ki hikaayeten,
Woh har ek baat pe roothna tumhen yaad ho ke naa yaad ho,

Kabhi bethe sab main jo rubaru to ishaaron main hi guftguu,
Woh bayaan shauq ka barmala tumhen yaad ho ke naa yaad ho,

Koi baat aesi agar huyi ke tumhare jee ko buri lagi,
To bayaan se pehle hi bhoolna tumhen yaad ho ke naa yaad ho,

Kabhi hum main tum main bhi chaah thi kabhi hum ko tum se bhi raah thi,
Kabhi hum bhi tum bhi they aashnaa tumhen yaad ho ke na yaad ho,

Suno zikr hai kayi saal ka ke kiya ik aap ne vaada tha,
So nibhaane ka to zikr kya tumhen yaad ho ke naa yaad ho,

Woh bigarrna vasl ki raat ka woh na maan’na kisi baat ka,
Woh nahin nahin ki har adaa tumhen yaad ho ke na yaad ho,

Jise aap ginte they aashnaa jisse aap kehte they baawafa,
Main wohi hoon “momin-e-mubtala” tumhen yaad ho ke na yaad ho..



Mein kuch nahin kehta

Momin Khan Momin

Dar to mujhe kiska hai k main kuch nahin kahta
par hal ye afshan hai k main kuch nahin kahta

naseh ye gila hai k main kuch nahin kahta
tu kab meri sunta hai k main kuch nahin kahta

kuch gair se honthon main kahe hai pe jo pucho
to wahin mukarta hai k main kuch nahin kahta

naseh ko jo chahun to abhi thik bana dun
par khauf Khuda ka hai k main kuch nahin kahta

chup k se tere milne ka ghar walon main tere
is waste charcha hai k main kuch nahin kahta

ai charagaro qabil-e-darman nahin ye dard
warna mujhe sauda hai k main kuch nahin kahta

har waqt hai dushnam har ek bat pe tana
phir is pe bhi kahta hai k main kuch nahin kahta

?Momin? ba-Khuda sihar bayani ka jabhi tak
har ek ko dawa hai k main kuch nahin kahta


Advertisements

We update our poetry database on daily basis so keep coming back for more Momin Khan Momin.



love shayari romantic shayari sad shayari nazam shayari