Video Shayari

Ranjish.com has lots of Urdu Video Shayari Poetry. Feel free to add your own Video Shayari Shayari here.

Video Shayari Collection

Video Poetry is shayari in video format. Video Shayari is recited by a female or male so that shayari lovers can hear it and watch it being recited. This type of audio shayari which can either be in urdu or in hindi is immensely popular among teenagers who don’t just like reading poetry but prefer listening to poetry in attractive voices.
Video poetry lovers usually like poetry in girls voices so we will try to record our audio and video shayari in female voices. We produce these poetry videos ourself.



kabhi dadi kabhi nani se alag kar diye gaye

Video Shayari

kabhi dadi kabhi nani se alag kar diye gaye
bache pariyon ki kahani se alag kar diye gaye

kachi umaron main humen kaam par laga diya gaye
hum woh bache jo jawani se alag kar diye gaye

jung laRne ke liye scene main laye gaye hum
aman hote hi kahani se alag kar diye gaye

hum woh alfaz jinhe theek se samjha na gaya
jab bhi likhe gaye maani se alag kar diye gaye

pehle duniya ne sikhaya humen teraaki ka fun
tairna aya to pani se alag kar diye gaye

chiRiya ghar ne kiya jungle ko nagar main abaad
janwar pani ke pani se alag kar diye gaye

tota chashmon se khareedi gaye tota chashmi
aankh wale nigehbaani se alag kar diye gaye



har ik baat pe kehne lagte ho pyare baRra masla hai

Video Shayari

har ik baat pe kehne lagte ho pyare baRra masla hai
suno manzil-en khubsurat hain bas rasta masla hai

kaha jab mera masla hai ke ap ache lagne lage hain
woh kehne lage ap ka masla ap ka masla hai

mohabbat mukamal na hona baRra masla hai yaqeenan
ghazal ka mukamal na hona bhi apni jagah masla hai

main har roz laRr kar nikalta hoon wapis na aney ki khatir
magar us ka khiRrki se rote huye dekhna masla hai

sabhi masle hal talab hain magar bhook pehle hai ahsan
mohabbat to insan ka apna banaya hua masla hai



Ae ranj-e-agahi koi chaara to hoga na

Video Shayari

Ae ranj-e-agahi koi chaara to hoga na
chal khush na reh saken ge guzara to hoga na

yeh aarzuu bhi waqt ke dhaare main beh gayi
ab naa sahi kabhi woh hamara to hoga na

jati hai jo mataa -e- dil -o- jaan to kya malaal
yeh ishq ki dukan hai khasara to hoga na

har aan jis ka zikr hai us beniaz ne
bhoole se mera naam pukara to hoga na

main zaad -e- rah ke taur pe bas khawb layi hoon
ae humsafar tujhe yeh gavara to hoga na

kya ajnabi banen ge agar phir kabhi mile
kya baat bhi na hogi ishara to hoga na

karna karana choRr zabaani hi sath de
tinke ka ho agarche sahara to hoga na



Sitaare ki tarah tooti hui hoon

Video Shayari

zameen par is liye hi aa giri hoon
sitaare ki tarah tooti hui hoon

main khud ko maarne pe tul chuki thi
main khud se bhaag kar zinda bachi hoon

duhaayi de raha hai mera malba
main teri ankh main bikhri paRri hoon

mujhe taskheer karna tha zamana
main apne hi muqabil aa gayi hoon

teri surat nigahon main bassi hai
main duniya main tujhi ko dekhti hoon



Dil ka jab dil se rabta hoga

Video Shayari

dil ka jab dil se rabta hoga
shor dhaRrkan main phir bapaa hoga

koi aesa bhi mojza hoga
jab mere haq main faisla hoga

loh-e-dil par jo likh diya tum ne
is ka izhaar barmala hoga,

meri sochon hai wahi mehvar
kya mujhe bhi woh sochta hoga

muskurahat main ik nazakat hai
us pe rang-e-hayaa chaRrha hoga

aaj woh dil ko thaam kar guzra
zakham koi naya laga hoga

jis main tehreer they sabhi vaade
us ne woh khat jalaa diya hoga

ratjage deke meri ankhon ko
raat bhar woh bhi jagta hoga

yeh jabeen par hai jo chamak ushba
chaand chehre ko choomta hoga



Samajh na paayi ke kya be-muhaar chahta tha..

Video Shayari

samajh na paayi ke kya be-muhaar chahta tha
ajeeb shakhss tha khud se faraar chahta tha

woh meri arz bhi hukman shumaar karne laga
woh har tarah se mera aitbaar chahta tha

usay qabool thi wese to meri majboori
magar woh mujh pe zara ikhteyar chahta tha

jawan dilon ke marahil to tey kiye saray
magar woh vasl main kuch intezar chahta tha

tamaniyat na mili mujh ko phir kisi surat
ke mera dil bhi to hona figaar chahta tha

kabhi na ashk bahao gi mujh se vaada karo
woh pyar main bhi faqat iqtidaar chahta tha

bas ik anaa thi ke jis na dabo diya us ko
magar woh phir bhi ussi ka hisaar chahta tha

sabhi charagh e mohabbat bhuja diye us ne
ke woh hawa pe bhi hona sawaar chahta tha

woh thak geya tha mohabbat ki arzu karte
bichaRr ke mujh se woh shayad qaraar chahta tha

yeh dastaan bhi usi shakhss ne likhi ushba
taveel qisse main jo ikhtisaar chahta tha



ashkon ko arzu-e-rehayi hai royiye..

Video Shayari

ashkon ko aarzuu-e-rehayi hai royiye,
ankhon ki ab isi main bhalayi hai royiye,

rona ilaj-e-zulmat-e-duniya nahin to kya,
kam-az-kam ehtejaj-e-khudayi hai royiye,

tasleem kar liya hai jo khud ko charagh-e-haq,
duniya qadam qadam pe sabayi hai royiye,

khush hain to phir musafir-e-duniya nahin hain aap,
is dasht main bas abla-payi hai royiye,

ham hain aseer-e-zabt ijazat nahin humen,
ro pa rahe hain ap badhayi hai royiye.



Itne bejaan sahare to nahin hote na..

Video Shayari

itne bejaan sahaare to naheen hote naa,
dard daryaa ke kinaare to naheen hote naa,

ranjishen hijar ka mayaar ghaTta deti hain,
rooth jane se guzaare to naheen hote naa,

raas rehti hai mohabbat bhi kayi logon ko,
woh bhi arshon se utaare to naheen hote naa,

hont seeney se kahan baat cHhupi rehti hai,
band ankhon se ishaare to naheen hote naa,

hijr to aur mohabbat ko baRrhaa deta hai,
ab mohabbat main khasaare to naheen hote naa..



suune hi rahe hijar ke sehra usse kehna..

Video Shayari

suune hi rahe hijar ke sehraa usse kehna
sukhe na kabhi pyar ke darya usse kehna

barbad kiya hum ko teri kamm-nazri ne
yun hote na warna kabhi ruswa usse kehna

ik hashr bapa kar ke sar-e-sham safar main
phir tu ne mera haal na pucha usse kehna

jis hashar ke Ddar se woh khafaa mujh se hua tha
woh hashar to phir bhi hua barpaa usse kehna

ik khawb sa dakha tha to main kanp utha tha
phir maine koi khawb na dekha usse kehna



Sher ka soona chaman kuch aur khali ho geya..

Video Shayari

Sher ka soona chaman kuch aur khali ho geya,
Haye kese shakhss se indor khali ho geya,

Sarhadon ke is taraf bhi us ki rahat thi bohat,
Aesa lagta hai mera lahore khali ho geya,

Kesi kesi ronaqen thi us ke ik ik sher main,
Ik zamana gum hua, ik daur khali ho geya,

Poochte hain ab ghazal-abad ke deewar-o-dar,
Yeh bhara ghar kis tarah fil-for khali ho geya..


Advertisements

We update our poetry database on daily basis so keep coming back for more Video Shayari.



love shayari romantic shayari sad shayari nazam shayari