Video Shayari

Ranjish.com has lots of Urdu Video Shayari Poetry. Feel free to add your own Video Shayari Shayari here.

Video Shayari Collection

Video Poetry is shayari in video format. Video Shayari is recited by a female or male so that shayari lovers can hear it and watch it being recited. This type of audio shayari which can either be in urdu or in hindi is immensely popular among teenagers who don’t just like reading poetry but prefer listening to poetry in attractive voices.
Video poetry lovers usually like poetry in girls voices so we will try to record our audio and video shayari in female voices. We produce these poetry videos ourself.



Mujhe aesa lutf ataa kiya ke jo hijar tha na visaal tha..

Video Shayari

Mujhe aesa lutf ataa kiya ke jo hijr tha na visaal tha,
Mere mausamon ke mizaj-daan, tujhe mera kitna khayaal tha,

Kisi aur chehre ko dekh kar teri shakal zehn main aa gayi,
Tera naam le ke mila usse, mere hafize ka yeh haal tha,

Kabhi mausamon ke saraab main, kabhi baam-o-dar ke azaab main,
Wahan umar hum ne guzar di, jahan saans lena muhaal tha,

Kabhi tu ne ghaur kiya nahin, ke yeh log kaise log thay,
Koi meer jesa girafta-dil, tere samne ki misaal tha,

Tere baad koi mila nahin, jo yeh haal dekh ke puchta,
Mujhe kis ki aag jhulsa gayi, mere dil ko kis ka malaal tha,

Kahin khun-e-dil se likha to tha, tere saal-e-hijar ka saneha,
Woh adhuri diary kho gayi, woh najane kaun sa saal tha..



Suno aesa nahin karte..

Video Shayari

Suno aesa nahin karte,
Safar tanha nahin karte,

Jisse shafaaf rakhna ho,
Usse maila nahin karte,

Teri ankhen ijazat dain,
To hum kya nahin karte,

Bohat ujrre huye ghar ko,
Bohat socha nahin karte,

Safar jis ka muqaddar ho,
Usse roka nahin karte,

Jo mil kar khud se kho jaye,
Usse ruswa nahin karte,

Yeh unche paiRr kaise hain,
Yeh saaya nahin karte,

Kabhi hasne se darte hain,
Kabhi roya nahin karte,

Teri ankhon ko paRrhte hain,
Tujhe nahin dekha nahin karte,

Chalo, tum raaz ho apna,
Tumhe afshaa nahin karte,

Sehar se puch lo mohsin,
Hum soya nahin karte..



Raat ankhon main dhali, palkon pe jugnu aye..

Video Shayari

Raat ankhon main dhali, palkon pe jugnu aye,
Hum hawaon ki tarah ja ke usse chhuu aye,

Us ka dil, dil nahin pathar ka kaleja hoga,
Jis ko phoolon ka hunar, aansu ka jadu aye,

Buss gayi hai mere ehsas main yeh kesi mehak,
Koi khushbu main lagaon, teri khushbu aye,

Khoobsurat hain bohat duniya ke jhoote waade,
Phool kaghaz ke liye kanch ke bazu aye,

Us ne chhuu kar mujhe pathar se phir insan kiya,
Mudaton baad meri ankhon main aansuu aye..



Bohat mushkil safar hai baba..

Video Shayari

Na ham-nafas hai, na humsafar hai baba,
Yeh makaan ab darbadar hai baba,

Na din main chand dooba, na raat main suraj nikla,
Yaani meri har dua be-assar hai baba,

Yeh mera inaam hai, ya saza hai meri,
Mera marz hi mera charagar hai baba,

Inhe apni ainak to zara khairaat kijiye,
Zamana bohat tang-nazzar hai baba,

Yeh kuch log maseeha kyun bane phirte hain,
Jab inhe kuch nahin khabar hai baba,

Jab tak hath main hath tha, sab sahi tha,
Baaki bohat mushkil safar hai baba,

Jis aik mahine main sadiyan jam jati hain,
Woh sitam-gar december hai baba,

Yeh duniya wale sehraa jante hain jisse,
Yuun to mitti ka samandar hai baba,

Woh khawb jise sab ankhon main dhoond rahe hain,
Woh khawb ab khawb ke andar hai baba,

Jo banayi theen maine samandar paar karne ko,
Woh kaghaz ki kashti kidhar hai baba..

Ahmed Ahyan Moosa



Kahan kis ki himayat main mara jaaon ga..

Video Shayari

Kahan kis ki himayat main mara jaaon ga,
Main kam-shanaas muravvat main mara jaon ga,

Main mara jaon ga pehle kisi fasaane main,
Phir us ke baad haqeeqat main mara jaon ga,

Mujhe bataya hua hai meri chatti-hiss ne,
Main apne ehd-e-khilafat main mara jaon ga,

Mera yeh khoon mere dushmanon ke sar hoga,
Main doston ki hirasat main mara jaon ga,

Yahan kamaan uthana meri zaroorat hai,
Wagarna main bhi sharafat main mara jaon ga,

Main chup raha to mujhe maar de ga mera zameer,
Gawahi di to adaalat main mara jaon ga,

Faragh mere liye maut ki alamat hai,
Main apni pehli faraghat main mara jaon ga,

Nahin maroon ga kisi jung main yeh soch liya,
Main ab ki baar mohabbat main mara jaon ga..



Teri har baat mohabbat main gawara kar ke..

Video Shayari

Teri har baat mohabbat main gawara kar ke,
Dil ke bazar main bethe hain khasara kar ke,

Aate jaate hain kayi rang mere chehre par,
Log lete hain maza zikr tumhara kar ke,

Ek chingari nazar ayi thi basti main usse,
Woh alag hatt geya andhi ko ishara kar ke,

Asmaanon ki taraf phenk diya hai main ne,
Chand matti ke charaghon ko sitara kar ke,

Main woh daryaa hoon ke har boond bhanwar hai jis ki,
Tum ne acha hi kiya mujh se kinara kar ke,

Muntazir hoon ke sitaron ki zara ankh lage,
Chaand ko chhat pe bula loon ga ishara kar ke..



Manzilen lakh kathan ayen, guzar jaon ga..

Video Shayari

Manzilen lakh kathan ayen, guzar jaon ga,
Hausla haar ke betha to mar jaon ga,

Chal rahe thay jo mere sath kahan hain woh log,
Jo yeh kehte thay ke raste main bikhar jaon ga,

Darbadar hone se pehle kabhi socha bhi na tha,
Ghar mujhe raas na aya to kidhar jaon ga,

Yaad rakhe mujhe duniya teri tasveer ke sath,
Rung aese teri tasveer main bhar jaon ga,

Lakh roken yeh andhere mera rasta lekin,
Main jidhar roshni jaye gi, udhar jaon ga,

Raas ayi na mohabbat mujhe warna saqi,
Maine socha tha ke har dil main utar jaon ga..



Kaho to laut jaate hain..

Video Shayari

Kaho to laut jaate hain
abhi to baat lamhon tak hai
salon tak nahin ayi
abhi muskanon ki naubat bhi
nalon tak nahin ayi
abhi to koi majboori
khayalon tak nahin ayi
abhi to gard pairon tak hai
balon tak nahin ayi
kaho to laut jate hain

chalo ik faisla karne shajar ki aott jate hain
abhi kajal ki dori surkh galon tak nahin ayi
zaban danton talak hai zeher payalon tak nahin ayi
abhi to mushk-e-kasturi ghazalon tak nahin ayi
abhi rudad-e-beunwan hamare tak hai
duniya walon tak nahin ayi
kaho to laut jate hain

chalo ik faisla karne shajar ki aott jate hain
abhi nazdeek hain ghar aur manzil door hai apni
mabada naar ho jaye
yeh hasti noor hai apni
kaho to laut jate hain

chalo ik faisla karne shajar ki aott jate hain
yeh rasta pyar ka rasta
rasan ka taar ka rasta
bohat dushwar hai janan
is raste ka har zara bhi ik kohsar hai janan
kaho to laut jate hain

mere baray na kuch socho
mujhe teh karna ata hai
rasan ka taar ka rasta
yeh andhi ghaar ka rasta

tumhare gesuyon ki chaon mil jaye
to suraj se ulajhna baat hi kya hai
utha lo apna saya tum
meri aukat hi kya hai
tumhara narm-o-nazuk hath ho gar mere hathon main
to main samjhoon ga jese do jahan hon meri muthi main
tumhara qurb ho to
mushkilen kafur ho jayen
yeh andhe aur kalay raste pur-noor ho jayen

mujhe maloom hai itna
ke dayam zindagi posheeda hai
in chaar qadmon main
bohat si rahaten muzmir hain in dushwar raston main
mere baray na kuch socho
tum apni baat batlao
kaho to chalte rehte hain
kaho to laut jaate hain



Har sitam aik dum december main..

Video Shayari

Har sitam aik dum december main,
Jamm se jate hain gham december main,

Saal bhar is liye main roya hoon,
Dil bhare kam se kam december main,

Yadain chutti manane ayi theen,
Ghar se nikle na hum december main,

Har shajar pe khizaan ne gaRr diya,
Aik ujRra alam december main,

Baraf ki kirchiyan hain palkon par,
Ah, yeh chashmm-e-num december main,

Lambi raton ka faiz hai shayed,
Zam huye gham main gham december main,

Laila se baRh ke maut achi lagi,
Qais rab ki qasam december main..



Hamare paaon ka kanta humeen se nikle ga..

Video Shayari

Na humsafar na kisi humnasheen se nikle ga,
Hamare paaon ka kanta humeen se nikle ga,

Main janta tha ke zehreela saanp ban kar,
Tera khuloos meri aasteen se nikle ga,

Isi gali main woh bhooka faqeer rehta tha,
Talash keejiye khazana yahin se nikle ga,

Buzurg kehte thay ik waqt aye ga jis din,
Jahan pe doobe ga suraj wahin se nikle ga,

Guzishta saal ke zakhmon haray-bharay rehna,
Juloos ab ke baras bhi yahin se nikle ga..


Advertisements

We update our poetry database on daily basis so keep coming back for more Video Shayari.



love shayari romantic shayari sad shayari nazam shayari