jagta rehta hoon aur khiRki khuli rehti hai

jagta rehta hoon aur..

jagta rehta hoon aur khiRki khuli rehti hai

jagta rehta hoon aur khiRki khuli rehti hai
kya khushi hai ke museebat hi paRi rehti hai

itni deewaren gira kar bhi yehi dekha hai
ek deear meri raah main khaRi rehti hai

bagh main bikhre huye rang bohat zalim hain
baaz goshon main to veerani paRi rehti hai

hijr main vasl ke phal-phool khile rehte hain
shaakh bichRe huye mausam se bhari rehti hai

ek veerana hai jo sheher ko kha jata hai
ek basti hai jo jungle main basi rehti hai

ab woh khush-chehra si khatoon kahan par hogi
fikr si koi mere jee ko lagi rehti hai

hadh se baRhti hui vehshat bhi ajab shai hai wafa
mere chehre pe kisi gham ki hansi rehti hai

mausam-e-girya guzar jata hai maqsood wafa
meri dewaar pe barish ki nami rehti hai


send poetry

Designed Shayari, Ghazal Shayari, Maqsood Wafa
January 25th, 2022

Comments are closed.

Maqsood Wafa
Maqsood Wafa
Poetries: 8
Separator
love shayari romantic shayari sad shayari nazam shayari