Video Shayari

Ranjish.com has lots of Urdu Video Shayari Poetry. Feel free to add your own Video Shayari Shayari here.

Video Shayari Collection

Video Poetry is shayari in video format. Video Shayari is recited by a female or male so that shayari lovers can hear it and watch it being recited. This type of audio shayari which can either be in urdu or in hindi is immensely popular among teenagers who don’t just like reading poetry but prefer listening to poetry in attractive voices.
Video poetry lovers usually like poetry in girls voices so we will try to record our audio and video shayari in female voices. We produce these poetry videos ourself.



Halaat kehte hain ke ghar jaaon to behtar hai..

Video Shayari

Sarapa-e-ishq hoon ab bikhar jaaon to behtar hai,
Jidhar jate hain yeh baadal udhar jaaon to behtar hai,

Theher jaaon yeh dil kehta hai tere sheher main kuch din,
Magar halaat kehte hain ke ghar jaaon to behtar hai,

Dilon main farq ayen ge taluq toot jayen ge,
Jo dekha, jo suna us se mukar jaaon to behtar hai,

Yahan hai kaun mera jo mujhe samjhe ga ae mohsin,
Main koshish kar ke ab khud hi sanwar jaaon to behtar hai..



Khat ke choTte se tarashe main nahin ayen ge..

Video Shayari

Khat ke choTte se tarashe main nahin ayen ge,
Gham zeyada hain lifafe main nahin ayen ge,

Hum na majnoon hain, na farhaad ke kuch lagte hain,
Hum kisi dasht tamashe main nahin ayen ge,

Us ki kuch khair khabar ho to batao yaaro,
Hum kisi aur dilaase main nahin ayen ge,

Mukhtasar waqt main yeh baat nahin ho sakti,
Dard itne hain khulaase main nahin ayen ge,

Jis tarah ap ne beemar se rukhsat li hai,
Saaf lagta hai janaaze main nahin ayen ge..



Garche sau baar hijar se jaan guzri hai..

Video Shayari

Garche sau baar hijar se jaan guzri hai,
Phir bhi jo dil pe guzari hai, kahan guzri hai,

Ap thehre hain to thehra hai nizam-e-aalam,
Ap guzre hain to ik mauj-e-rawan guzri hai,

Hosh main aye to batlaye tera deewana,
Din guzaara hai kahan, raat kahan guzri hai,

Aese lamhe bhi guzare hain teri furqat main,
Jab teri yaad bhi dil pe giraan guzri hai,

Hashar ke baad bhi deewane tere poochte hain,
Woh qayamat jo guzarni thi kahan guzri hai,

Zindagi Saif ke liye qaafila armaanon ka,
Maut ki raat se benaam-o-nishan guzri hai..



Kya aese kam-sukhan se koi guftgu kare..

Video Shayari

Kya aese kam-sukhann se koi guftgu kare,
Jo mustaqil sakoot se dil ko lahuu kare,

Ab to humen bhi tark-e-marasim ka dukh nahin,
Par dil yeh chahta hai ke aghaaz tu kare,

Tere baghair bhi to ghaneemat hai zindagi,
Khud ko ganwa ke kaun teri justuju kare,

Ab to yeh arzuu hai ke woh zakham khaiye,
Ta-zindagii yeh dil na koi arzuu kare,

Tujh ko bhula ke dil hai woh sharminda-e-nazar,
Ab koi hadsa hi tere rubaru kare,

Chup-chaap apni aag main jalte raho faraz,
Duniya to arz-e-haal se be-abruu kare..



Wafa ke zikr chiRra tha ke raat beet gayi..

Video Shayari

Wafa ke zikr chiRra tha ke raat beet gayi,
Abhi to rang jamma tha ke raat beet gayi,

Yahan to charon taraf ab talak andhera hai,
Kisi ne mujhe se kaha tha ke raat beet gayi,

Main raat zeest ka qissa sunane beth gaya,
Abhi shuru kiya tha ke raat beet gayi,

Uthe thay hath dua ke liye ke raat kaTte.
Dua main aesa bhi kya tha ke raat beet gayi,

Khushi zaroor thi taimur din nikalne ki,
Magar yeh gham bhi siwa tha ke raat beet gayi..



Tera chup rehna mere zehen main kya beth gaya..

Video Shayari

Tera chup rehna mere zehen main kya beth gaya,
Itni awazen tujhe di ke gala beth gaya,

Yun nahin hai ke faqat main hi usse chahta hoon,
Jo bhi us paiRr ki chaon main gaya beth gaya,

Itna meetha tha woh ghusse bhara lehja mat puch,
Us ne jis ko bhi jaane ka kaha beth gaya,

Apna laRrna bhi mohabbat hai tumhen ilm nahin,
Cheekhti tum rahi aur mera gala beth gaya,

Us ki marzi woh jise paas bitha le apne,
Is pe kya laRrna falaan meri jagah beth gaya,

Baat dariyaon ki suraj ki na teri hai yahan,
Do qadam jo bhi mere sath chala beth gaya,

Bazm-e-janan main nashistain nahin hoti makhsus,
Jo bhi ik baar jahan beth gaya, beth gaya..



Ghair ki baaton ka akhir aitbar aa hi gaya..

Video Shayari

Ghair ki baaton ka akhir aitbar aa hi gaya,
Meri janib se tere dil mein ghubar aa hi gaya,

Janta tha kha raha ha bewafa jhoothi qasam,
Sadgi dekho ke phir bhi aetibar aa hi gaya,

Tu nahi aaya wafadushman to kya hum mar gaye,
Chand din tarpa kiye magar akhir qarar aa hi gaya,

Dil main tha ae hashar unse na bolain gaye kabhi,
Bewafa jab samne aya to pyar aa hi gaya..



Ik hunar hai jo kar gaya hoon main..

Video Shayari

Ik hunar hai jo kar gaya hoon main,
Sab ke dil se utar gaya hoon main,

Kese apni hansi ko zabt karoon,
Sun raha hoon ke ghar gaya hoon main,

Kya bataon ke mar nahin pata,
Jeete-jee jab se mar gaya hoon main,

Ab hai bas apna samna darpesh,
Har kisi se guzar gaya hoon main,

Wohi naz-o-ada wohi ghamze,
Sar-ba-sar aap par gaya hoon main,

Ajab ilzam hoon zamane ka,
Ke yahan sab ke sar gaya hoon main,

Kabhi khud tak pohanch nahin paya,
Jab ke vaan umar bhar gaya hoon main,

Tum se janan mila hoon jis din se,
Be-tarah khud se dar gaya hoon main,

Ku-e-janan main shor barpa hai,
Ki achanak sudhar gaya hoon main..



Acha maula teri marzi tu jis haal main rakhe..

Video Shayari

Hijr ki shab main qaid kare ya subh-e-visal main rakhe,
Acha maula teri marzi tu jis haal main rakhe,

Khel yeh kesa khel rahi hai dil se teri mohabbat,
Ik pal ki sarshari de aur dinon malal main rakhe,

Maine sari khushbuyen anchal se bandh ke rakhin,
Shayed in ka zikr tu apne kisi sawal main rakhe,

Kis se tere ane ki sargoshi ko sunte hi,
Maine kitne phool chune aur apni shal main rakhe,

Mushkil ban kar toot parri hai dil par yeh tanhai,
Ab jane yeh kab tak is ko apne jaal main rakhe..



Ab teri yaad se wehshat nahin hoti mujh ko..

Video Shayari

Ab teri yaad se wehshat nahin hoti mujh ko,
Zakham khulte hain aziyat nahin hoti mujh ko,

Ab koi aye chala jaye main khush rehta hoon,
Ab kisi shakhss ki aadat nahin hoti mujh ko,

Aesa badla hoon tere shehr ka paani pee kar,
Jhoot boloon to nadamat nahin hoti mujh ko,

Hai amaanat main khayanat so kisi ki khatir,
Koi marta hai to hairat nahin hoti mujh ko,

Itna masroof hoon jeene ki havass main mohsin,
Saans lene ki bhi fursat nahin hoti mujh ko..


Advertisements

We update our poetry database on daily basis so keep coming back for more Video Shayari.



love shayari romantic shayari sad shayari nazam shayari