Garmi-e-Hasrat-e-NaKaam Se Jal Jaatay Hain
Garmi-e-Hasrat-e-NaK..
Garmi-e-Hasrat-e-NaKaam Se Jal Jaatay Hain
Ham Charaaghon Ki Tarah Shaam Se Jal Jaatay Hain
Shamaa Jis Aag Mein Jalti Hai Numaaish Ke Lye
Ham Isi Aag Mein Gumnaam Se Jal Jaatay Hain
Khud-Numaayi Tou Nahee Shewa-e-Arbaab-e-Wafa
Jin Ko Jalna Ho Wo Aaraam Se Jal Jaatay Hain
Bach Nikaltay Hain Agar Aatish-e-Sayyaal Se Ham
Shola-e-Aariz-e-Gulfaam Se Jal Jaatay Hain
Jab Bhee Aata Hai Mera Naam Tere Naam Ke Saath
Jaanay Kiun Loog Mere Naam Se Jal Jaatay Hain ?
Qateel Shifai
July 9th, 2012
anmoladi
April 26th, 2013 at 11:04 pm
Unke Hontho Pe Mera Naam Jab Aya Hoga..
Khudko Ruswayi Se Phir Kaise Bachaya Hoga..
Sounke Fasana Auro Se Merii Barbadi Ka..
Kya Unko Apna Sitam Na Yaad Aya Hoga?ADI
anmoladi
April 26th, 2013 at 11:05 pm
Nahi tha zor uski sitam nawaziyon ka,
Magar mujhe bhi hosle mere khuda se mile,
Meri amma kyun kehti hai baar baar mujhse,
Wo mohabbat hi kya jo iltija se mile… ADI
amjad
September 22nd, 2015 at 11:34 am
Garmi hasrate nakam mea jal jate hai
Yogend
June 23rd, 2016 at 2:12 pm
KHUBSURAT__jitni Taarif karu kam hai___
mk
September 17th, 2016 at 11:13 am
very very nice
ali hassan
March 21st, 2017 at 11:19 am
Gham e hayat ka jhagra Mira raha hai koi
Chale aao ke Sunita s ja raha hai koi
ali abbas
October 26th, 2017 at 8:25 pm
haratain kuch nakam si reh jati hn
is ka next kia h koi bata skta h ?????
ali abbas
October 26th, 2017 at 8:26 pm
hasratain kuch nakam si reh jati han
is ki net line koi b ta dy …….