Zinda Nazam By ‘Aitebar Sajid’

Saalgirah ka card mila hai mujh ko uski beti ka

Khushi k is moqay per us ne ik ruqa bhi likha hai

“Aap please, zaroor aain aur achi si ik nazam

Meri beti ki khatir likh la’in

Nazam tarannum se parhiye ga

Jaisy dard ki lay mein doob k apni ghazal’ain parhty they”

Tab se ab tak soch raha hoon

Nazam likhu’n ya apni zinda nazam ki ungli pakray

Is taqreeb mein jaon

Us se mil k kahu’n lo dekho!

Tameel irshad to meine kar di hai

Lekin ye meri nazam nahi mera beta hai. . !