Kiyon Tabiaat Kahin Theharti Nahi
Kiyon Tabiaat Kahin ..
Kiyon Tabiaat Kahin Theharti Nahi
Dosti Tau Udaas Karti Nahi
Hum Hamesha Ke Ser Chashm Sahi
Tujh Ko Dekhain Tau Aankh Bharti Nahi
Shab-e-Hijraan Bhi Roz-e-Bad Ki Tarah
Kutt Tau Jaati Hai Par Guzarti Nahi
Sher Bhi Aayton Se Kiya Kum Hein
Hum Pe Mana Wahi Utarti Nahi
Yeh Mohabbat Hai, Sun Zamany Sun
Itni Aasanion Se Marti Nahi
Jiss Tarah Tum Guzaarty Ho Faraz
Zindagi Iss Tarah Guzarti Nahi
Ahmad Faraz
July 17th, 2009
Sitam gar
May 13th, 2012 at 2:44 pm
Na samji hamari thi apna aapko samja,
hum se sab kehte the samadaar bahot ho…
Junaid husain
May 13th, 2012 at 2:47 pm
Pal hi aisa tha ki
hum izhar na kar paye,
zamane ke darr se ik-raar na kar paye,
na thi jinke bina zindagi munasib,
chood diya saath unho ne aur hum sawal bhi na kar paye…