Tujh se judaa hona zaroori ho geya hai..
Tujh se judaa hona z..
Mohabbat se rihaa hona zaroori ho geya hai,
Mera tujh se judaa hona zaroori ho geya hai,
Wafaa ke tajarbey karte huye to umar guzri,
Zara sa bewafa hona zaroori ho geya hai,
Meri awaaz tanhaai main marti ja rahi hai,
Kisi ka ham’nawaa hona zaroori ho geya hai,
Azaab zulmat-e-shab hai ke ab dil ke labon par,
Koi harf-e-duaa hona zaroori ho geya hai..
Noshi Gilani
October 11th, 2012
