Bajaa Ke Aankh Mein Neendon Ke Silsilay Bhee Nahee
Bajaa Ke Aankh Mein ..
Bajaa Ke Aankh Mein Neendon Ke Silsilay Bhee Nahee
Shikast-e-Khwaab Ke Ab Mujh Mein Honslay Bhee Nahee
Nahee Nahee ! Ye Khabar Dushmanon Ne Di Hogi
Wo Aaye, Aa Ke Chalay Bhee Gaye ! Milay Bhee Nahee
Ye Kon Loog Andheron Ki Baat Kartay Hain ?
Abhee Tou Chaand Teri Yaad Ke Dhalay Bhee Nahee
Abhee Se Mere Raffugar Ke Haath Thaknay Lagay
Abhee Tou Chaak Mere Zakham Ke Silay Bhee Nahee
Khafaa Agarche Hamesha Howay Magar Ab Ke
Wo Barhami Hai Ke Hum Se Unhain Gilay Bhee Nahee
Parveen Shakir
May 23rd, 2012
nikky
May 23rd, 2012 at 9:17 am
another classic from parveen shakir………..thanks dude
ZahId
May 25th, 2012 at 3:03 am
Nice