Manzar Hai Wohi Thathak Rahi Hun

Manzar Hai Wohi That..

Manzar Hai Wohi Thathak Rahi Hun
Hairat Se Palak Jhapak Rahi Hun

Ye Tou Hai Ke Mera Wehem Hai !
Band Aankhon Se Tujh Ko Tak Rahi Hun

Jaisay Ke Kubhi Na Tha Taarruf
Yun Miltay Howay Jhijak Rahi Hun

Pehchaan! Mein Teri Roshni Hun
Aur Teri Palak Palak Rahi Hun

Kia Chain Mila Hai ——-Sir Jo Iske
Shaanon Pe Rakhay Sisak Rahi Hun

Pathar Pe Khili, Ke Chasham Gul Mein
Kaantay Ki Tarah Khatak Rahi Hun

Jugnuu Kaheen Thak Ke Gir Chuka Hai
Jangal Mein Kahan Bhatak Rahi Hun

Gurrya Meri Soch Ki Chhanni Kia
Bachi Ki Tarah Bilak Rahi Hun

Ik Umar Howi Khud Se Lartay
Andar Se Tamaam Thak Rahi Hun

Rus Phir Se Jarron Mein Jaa Raha Hai
Mein Shak Pe Kab Se Pak Rahi Hun

Takhleeq-e-Jamaal-e-Fun Ka Lamha !
Kalyon Ki Tarah Chatakh Rahi Hun


send poetry

Parveen Shakir
October 19th, 2012

Comment here

Your Comment: