Wo Merey Pao.n Ko Choney Jhuka Tha Jis Lamhey

Wo Merey Pao.n Ko Ch..

Jagaa Sakey Na Terey Lub, Lakeer Aisi Thi
Humarey Bakht Ki Raikha Bhi Meer Aisi Thi

Ye Haath Chomey Gai, Phir Bhi Be-Gulaab Rahey
Jo Rutt Bhi Aai Khizaa.n K Safeer Aisi Thi

Wo Merey Pao.n Ko Choney Jhuka Tha Jis Lamhey
Jo Mangta Usey Deti Ameer Aisi Thi

Shahadatain Merey Huq Main Tamam Jaati Thee.n
Magar Khamosh They Munsif, Nazeer Aisi Thi

Kutar K Jaal Bhi Sayyad Ki Raza Ke Baghair
Tamaam Um’r Na Urti Aseer Aisi Thi

Phir Us Ke Baad Na Dekhey Visaal Ke Mausam
Judaiyo.n Ki Ghari Chashm Geer Aisi Thi

Bas Ik Nigah Mujhe Dekhta, Chala Jata
Us Aadmi Ki Mohabbat Faqeer Aisi thi

Rida K Saath Luterey Ko Zaad-e Raah Diya
Teri Firagh Dili Merey Veer Aisi Thi

Kabhi Na Chahney Walo.n Ka Khoo.n Baha Manga
Nigaar-e-Sheher-e-Sukhan Be-Zameer Aisi Thi


send poetry

Parveen Shakir
December 21st, 2012

Comment here

Your Comment: