Maqrooz Ke Bigrray Huye Halaaat Ki Maanind
Maqrooz Ke Bigrray H..
Maqrooz Ke Bigray Huye Halaat Ki Maanind
Majboor Ke Honton Pe Sawaalaat Ki Maanind
Dil Ka Teri Chaahat Mein Ajab Haal Hua Hai
Sailaab Se Barbaad Makaanaat Ki Maanind
Mein Un Mein Bhatkay Howay Jugnu Ki Tarah Hun
Usss Shakhs Ki Aankhain Hain Kisi Raat Ki Maanind
Dil Roz Sajaata Hun Mein Dulhan Ki Tarah
Gham Roz Chalay Aatay Hain Baaraat Ki Maanind
Ab Ye Bhi Nahi Yaad Ke Kya Naam Tha Os Ka
Jis Shakhs Ko Maanga Tha Manaajaat Ki Maanind
Kis Darja Muqaddas Hai Tere Qurb Ki Khwaahish
Maasoom Se Bachay Ke Khayaalaat Ki Maanind
Uss Shakhs Se Mera Milna Mumkin Hi Nahi
Mein Pyaas Ka Sehra Hun Wo Barsaat Ki Maanind
Samjhao Mohsin Us Ko Ke Ab Reham Kare
Dukh Baant’ta Phirta Hai Woh Soghaat Ki Maanind
Mohsin Naqvi, Video Shayari
January 17th, 2013
Sahil
January 20th, 2013 at 10:31 pm
Ye ghazal,
Maqroz k bigre huwe halat ki manind,
Mohsin naqvi ki nahin qateel shifai ki hai.
Is ka aakhri shair,
Samjhao qateel us ko k kuch rehem kare ab,
gham bant’ta phirta hai wo soghat ki manind.