Kitabon mein phool rakhna
Kitabon mein phool r..
kabhi kitabon mein phul rakhna
kabhi darakhton pe nam likhna
hamein bhi hai yad aj tak wo
nazar se harf-e-salam likhna
wo chand chehre wo behki baten
sulagte din the mehakti raten
wo chote-chote se kagzon par
muhabbaton k payam likhna
gulab chehron se dil lagana
wo chupke chupke nazar milana
wo arzuon k khwab bunna
wo qissa-e-natamam likhna
mere nagar ki hasin fizao
kahin jo un k nishan pao
to puchna ye kahan base ho
kahan hain un ka qayam likhna
gai ruton mein Hassan hamara
bas ek hi to ye mashgala tha
kisi k chehre ko subah kahna
kisi ki zulfon ko sham likhna
Hassan Rizvi, Urdu Poets
August 31st, 2011
mudasir saghri
July 9th, 2013 at 9:26 pm
Nazr ne Nazr ko Nazr bhar k dekha
Nazr ko Nazr ki Nazr lag gae……….
mudasir °3336985564