Raat aayi hai balaaon se rihaayi de gi..
Raat aayi hai balaao..
Raat aayi hai balaaon se rihaayi de gi,
Ab na deewaar na zanjeer dikhaayi de gi,
Yeh dhundhlaka sa jo hai is ko ghaneemat samjho,
Dekhna phir koi suurat na sujhaayi de gi,
Dil jo tootay ga to ik-tarfa tamaasha ho ga,
Kitne aayinon main woh shakal dikhayi de gi,
Sath ke ghar main bara shor barpaa hai Anwar,
Koi aaye ga to dasstak na sunaayi de gi..
Anwar Masood, Video Shayari
February 8th, 2017