Chand khushk patey they

Chand khushk patey t..

wo koi aur na tha chand Khushk patte the
shajar se tut k jo fasl-e-gul pe roye the

abhi abhi tumhain socha to kuch na yad aya
abhi abhi to ham ek-dusare se bichre the

tumhare bad chaman par jab ik nazar dali
kali kali main Khizan k chirag jalate the

tamam umr wafa ke gunahgar rahe
ye aur bat ki ham adami to ache the

shab-e-Khamosh ko tanhai ne zaban de di
pahar gunjte the dasht sansanate the

wo ek bar mare jin ko tha hayat se pyar
jo zindagi se gurezan the roz marte the

naye Khayal ab ate hain dhal ke zahan main
hamare dil main kabhi khet lahlahate the

ye irtiqa ka chalan hai k har zamane main
purane log naye admi se darte the

?Nadeem? jo bhi mulaqat thi adhuri thi
k ek chehre ke piche hazar chehre the


send poetry

Ahmad Nadeem Qasmi, Urdu Poets
August 31st, 2011

Comment here

Your Comment: