Balaa ke gham uthaye ja rahe hain..

Balaa ke gham uthaye ja rahe hain
Jafaa ke teer khaye ja rahe hain

Fida karne ko deen-e-mustafa par
Ali akbar sajaye ja rahe hain

Qadam dosh-e-nabuat par thay jin ke
Woh kanton par chalaye ja rahe hain

Jahan be-izn ate thay na Jibreel
Woh kashane jalaye ja rahe hain

Bithate thay Nabi kaandhe pe jin ko
Woh naizon se giraye ja rahe hain

Hua tha jon qayem jin se parda
Woh bazaron main laye ja rahe hain