BhaRrkaen meri pyaas ko aksar teri aankhen..

BhaRrkaen meri pyaas..

BhaRrkaen meri pyaas ko aksar teri aankhen
Sehraa mera chehra hai samandar teri aankhen

Phir bhala kon unhen daad-e-tabassum de ga
Royen gi bohat mujh se bichar ker teri aankhen

Bojhal nazar aati hain bazahir mujhe lekin
Khulti hain bohat dil main utar ker teri aankhen

Ab tak meri yaadon se mitaye nahi mit-ta
Bheegi hoi ek shaam ka manzar teri aankhen

Mumkin ho tu ik taaza ghazal aur bhi keh loon
Phir oorrh na lain khawb ki chadar teri aankhen

Yoon dekhte rehna usay acha nahi mohsin
Wo kanch ka paikar hai to pathat teri aankhen


send poetry

Mohsin Naqvi, Video Shayari
July 18th, 2018

Comment here

Your Comment: